يمكن بكرة أحلى..

ساعات أتخنق كدا كام يوم
وأشوف الدنيا من غير لون
وما اتكلمش واعد فى نفسى الوم
وأسكت شوية وأقول
يمكن بكرة أحلى
يحصلى موقف واتنين
وأقول لنفسى دول هما يومين
على إيه دموعى تنزل على الخدين
وأسكت شوية وأقول
يمكن بكرة أحلى
أضحك وأهزر وقلبى موجوع
شفايفى مبتسمه وعيونى مليانة دموع
وأتاكد إن اللى راح استحالة فيوم يعود
وأسكت شوية وأقول
يمكن بكرة أحلى
ساعات اندم على اللى راح
وقلبى ما يفتكرش إلا الجراح
عقلى يقوله انسى دا اللى راح راح
وأسكت شوية وأقول
يمكن بكرة أحلى
وساعات أبقى متمردة على حالى
وأقول دى الدنيا ما عندهاش لا عزيز ولا غالى
كدا أحسن و ما أحطش حاجة فى بالى
وأسكت شوية وأقول
يمكن بكرة أحلى
يقرب منى حلم اتمنيته زمان
أقول أخيرا هضحك بجد على الأيام
يطلع وهم وسراب وحبه هوا على دخان
وأسكت شوية وأقول
يمكن بكرة أحلى