للنساء فقط

حقول أنا كلامى
مش عايز أشوف راجل قدامى
وعارف إن فى ناس دمهم حامى
وممكن حد فيهم يرمينى من التانى
بس الكلام كان فى زورى محشور
كلام سرى وخطير ومش منشور
كلامى ده بلسانى ومش مأثور
بالعربى مش هندى ولا باكستانى
النساء دول أجمل حاجة فى الكون
تشوفهم تنسهى همومك لو بالكوم
ومحدش بكلامى ده يكون مصدوم
دول زى الشعر ليهم أحلى المعانى
كل حاجة يقدروا يعملوها عملوها
ما هو أهلها لما ولدوها علموها
فى مدرستين وف الحياة سابوها
وهى واحدة مغنية كمان مونسانى
والتانية شغالة تجيب ف عيال
وواحدة شايلة هم يهز جبال
سعاد أو نادية أو سارة أو آمال
كله بيعمل فى دوره الإنسانى