بالفيديو.. "رماد حلمك".. أول مرثية لنجيب سرور

أطلق جونى اليوم أغنية “رماد حلمك" فى ذكرى رحيل الشاعر العبقرى نجيب سرور كلمات وألحان أنطونيوس نبيل، توزيع وليد ميمنى، ويُظهر تصوير الأغنية صور مجمعة نادرة ل«سرور» تصور لقطات من حياته ومسرحياته ومرضه ولقاءاته، وقد توصل إليها جونى من أرشيف أبناء الراحل والأغنية من إخراج كريم شعبان.
وتقول كلمات المرثية
وكان جَلدك وكان شنقك
على إيديهم
وبعد الشنق كان حرقك
ونا واقف ف وسطيهم
كأنى حشرجة ف حَلْقك
براقب صمتى ف عينيهم
براقب عضمك المجنون
ف كف النار بيتكسّر
كأن الكون مالوهش عيون
يشوف بيهم ويتأثّر
أكيد صعب إنى أكون بينهم
وأشوف حلمك قصاد عينى
رماد بارد على جبينهم
بُقع سودا على جبينى
غبار داكن
بينداس ف الدروب لكن
بيدبحني
ونا قلبى يابويا نجيب
هزيل عايش على الأكاذيب
تقيل الحِمل لما تغيب
وأنا ضلى أتولد محنى
مافيش قدامى غير موتك
بيندهلى بحنان قاسى
بألملم ف الضلام صوتك
واشيلُه ف حُضن أنفاسى
غبار داكن
بينداس ف الدروب لكن
بيدبحني
ونا قلبى يا أبويا نجيب
هزيل عايش على الأكاذيب
تقيل الحلم لما تغيب
ونا ضلى أتولد محنى
لمشاهدة الفيديو..