#شجع_مصر_تكسب .. حملة تطلقها فودافون مصر لمؤازرة الفراعنة في بطولة أفريقيا

منتخبنا هيرجع تاني لبطولته المفضلة بعد غياب 7 سنوات اتغيرت فيها حاجات كتير.. لكن اللي مش هيتغير اننا دايما عندنا ابطال قادرين يكونوا على قدر المسئولية، واللي مش هيتغير هو تشجيع الجماهير لمنتخبهم بقوة ووقوفهم معاه مهما كانت الظروف، وعشان كدة فودافون مصر أطلقت حملة مصرية أصيلة بالهاشتاج #شجع_مصر_تكسب عشان كل المصريين يقدروا يكونوا مع منتخبهم معنويًا.
الموعد المرة دي مع الجابون، بعد العودة من بوركينا فاسو وغانا وانجولا بالكاس هنقدر نرجع المرة دي كمان..منتخبنا قادر لوجود اسباب كتير بتأكد ده.. النتائج المميزة في تصفيات المونديال وامم افريقيا.. السجل الخالي من الهزائم الرسمية مع كوبر.. المنطقية في الاداء واحترام كل المنافسين.. بالاضافة طبعا لجيل جديد اتبنى على كتاف نجوم كبار اللي دلوقتي قدروا يكونوا محط انظار الجميع..
وعشان فودافون عارفة دة كويس ومؤمنة بيه، قررت تقف جنب المنتخب في بطولة الأمم بطريقتها الخاصة من خلال حملة #شجع_مصر_تكسب على مواقع التواصل الاجتماعي واللي شهدت حماس الشباب وكل محبي كرة القدم في مصر وعشاق الساحرة المستديرة، وسط تفاعل كبير وانتشار.
مشوار الكأس طويل.. بدا بالفعل مع النتائج المميزة منذ تعيين كوبر.. واستمر مع وجود قوام اساسي للمنتخب دلوقتي زي كل الفرق المحترمة. كوبر ومنتخب مصر كله حط قدام عينيه هدف واضح ومحدد وهو الذهاب للجابون للفوز باللقب، وهي دي الروح الرياضية وروح الفوز اللي بيتحلى بيها منتخب مصر و اللي فودافون بتشجعها، خاصة بفضل مجموعة اللاعبين الكبار.. كل لاعب بمهارة عالية وتمّكن في موقعه.
لو هنتكلم عن حراسة المرمي فوجود الشناوي واكرامي مع المخضرم عصام الحضري يخليك متطمن دايما.الدفاع هو كمان مليان خيارات كتير سواء في العمق او الاطراف وتنوع كبير بين الشباب والخبرة اللي بيدعموا وبيكملوا بعض زي فتحي وعبدالشافي والمحمدي المخضرمين وربيعه وحجازي وجبر اصحاب الجهد العالي.
وسط الملعب من اقوي خطوط المنتخب دلوقتي بفضل وجود النني وطارق حامد وعبدالله السعيد.. وعلي الاطراف والهجوم رمضان وتريزيجيه وكهربا ومروان وطبعا محمد صلاح افضل لاعب عربي في 2016 وشرف مصر والمصريين في الداخل والخارج بفضل مهاراته الكروية العالية.
#شجع_مصر_تكسب مش بس هاشتاج أطلقته فودافون مصر.. دة فريق دعم كامل لمنتخب مصر على مواقع التواصل الاجتماعي عشان تدعم بلدها و تشجع الكرة المصرية.