شرين عز الدين لأبنائها: أنتم مصدر فخري

قالت خبيرة إدارة المنزل شرين عز الدين، تعليقا على مشاركتها في احتفالية "أكبر رسالة حب" من داوني: أنا شايفة إن فكرة الحملة نفسها حلوة أوي ومبسوطة جدا بمشاركتي النهارده في الاحتفالية دى، وسعيدة إن فريق عمل داوني وجهوا لي الدعوة، كمان رسالة الحب دي بتفكرنا كأمهات إننا بنقوم بمهام كتيرة وكل ده عشان إحنا فعلا بنحب أولادنا وفخورين بكده ونتمني إنهم يكونوا عارفين.
وإلى نص الحوار:_
*هل تفتكري إن بقي في تَغيير في أساليب التربية الأيام دي؟
أكيد طبعا. الأمهات دلوقتي بقت مشغولة عن زمان بس رغم كده دايما بيحاولوا يدوروا على طرق جديدة لتطوير حياة أولادهم وتعزيز العلاقة بينهم وبين بعض عشان يعوضوا انشغالهم .إدراك إن الأولاد بيستفيدوا من وجود أمهاتهم معاهم بيخلي الأمهات يدوروا على طرق جديدة مبتكرة يعبروا بيها عن حبهم لأولادهم وعشان دايما يحسسوهم أنهم موجودين معاهم على طول لو إحتاجوهم.
انتى ربيتي ثلاثة أولاد، إيه هي فلسفة تربية أولادك الخاصة بيكي؟
إني أسمع لهم واعرف هما حاسين بإيه وعايزين إيه عشان اتعامل مع كل واحد فيهم بطريقة خاصة، وده اللي بيخليني أبقي قريبة منهم.

*تفتكري الأمهات ممكن يعملوا إيه عشان يتأكدوا إن أولادهم عارفين قد إيه هم بيحبوهم؟
ممكن تبيني حبك لأولادك بطرق وأساليب مختلفة. مجرد إنكوا تقضي وقت أكتر مع بعض و دايما تشجعيهم في اي حاجة هما بيعملوها او تبيني حبك بطرق بسيطة زي حضن ده بيحسسيهم إنهم دايما متحاطين بحبك حتى لو ما كونتيش فعليا معاهم.

*زي ماقلتي, الأمهات مش دايما بيبقوا متواجدين مع أولادهم طول اليوم, فبتقدري تعملي إيه عشان تبيني حبك لأولادك لما بيكونوا بعاد عنك , مثلا وقت المدرسة؟
بطرق كتيرة...كأمهات أحيانا بنتغاضى عن الحاجات البسيطة اللي ممكن نعملها عشان نبين حبنا لأولادنا ونحسسهم إننا دايما معاهم، من ضمن الحاجات اللي بحب أعملها مع أولادي هي إني أسيب لهم رسالة صغيرة في شنطة المدرسة بقولهم فيها إني باحبهم قوي، برضو ساعات بفاجئهم بالأكلات اللي بيحبوها أو حاجة جديدة جبتهالهم زي قلم أو كراسة جديدة في شنطة المدرسة. برضو في حاجات بسيطة قوي بتفرق معاهم زي إني دايما أجهزلهم لبسهم مغسول وريحته حلوة وده بيفكرهم أد إيه أنا باحبهم وفاكراهم دايما.

* خلال الإفينت اتكلمني أد إيه الرائحة مهمة في التعبير عن حب الأم لأولادها و تأثيرها علي ثقتهم. ممكن تحكيلنا أكتر عن الموضوع ده؟
الريحة زي أي حاسة تانية بتخلق صلة وبتحرك ذكريات في عقلنا، في روائح أقوى من التانية, فالذكريات اللي بتتحرك بتبقي مختلفة، أولادي بيبقوا عارفين ريحة لبسهم اللي لسة مغسول و رحته حلوة فمجرد الريحة دي بس بتفكرهم بحبي ليهم. وعشان كده أنا دايما باستخدم داوني المركز عشان أنا بابقى عارفة إن ريحته هتفضل موجودة في لبسهم طول اليوم وده هيرفع من ثقتهم في نفسهم كأني موجودة معاهم بالضبط.
*إلى جانب حاسة الشم، تفتكري مظهر أولادك بيأثر عليهم؟
أكيد, في دراسات كتيرة أثبتت إن ثقة الأطفال بتتأثر بحب الأم ليهم والأمان اللي بيحسوه معاها . وعلشان كدة من أهم الحاجات اللي بعبر بيها عن حبي لأولادي هي الاهتمام بمظهرهم ولبسهم، وده بالتحديد اللي بيخلي داوني المركز يبقى حاجة مهمة لي ولأولادي. من أول ما ابتديت استخدمه ولبس أولادي مش بس ريحته حلوة، و كمان بيبقى ناعم ومش مكرمش وشكله حلو وده طبعا بيخلي أولادي دايما مبسوطين ومرتاحين.

*بما إنك صاحبة مسئوليات كتيرة، لازم أسألك إزاي بتقدري تعملي كل الحاجات دي؟
بصي ساعات ماببقاش عارفة إزاي أنا باعمل كل ده بس زي ما دايما بأقول: البيت زي الشركة، وعشان يبقى عندك شركة ناجحة لازم تنظمي وقتك وتبقي مرتبة وتخلي الناس دايما مبسوطة، بالنسبة لي أولادي هم أهم حاجة عندي وعشان كده كل حاجة أنا بأعمالها بتكون هدفها سعادتهم، فبحاول إني أدخل أولادي دايما في الروتين اليومي بتاعي عشان أقدر أعمل كل الحاجات اللي ورايا وفي نفس الوقت أقضي معاهم أكثر وقت ممكن.

*آخر سؤال، إيه هي رسالة حبك لأولادك في حفل "أكبر رسالة حب" من داوني؟
أحب أقول لأولادي "أنتم مصدر فخري".