10 نصائح لكي تفقد 2 كيلو اسبوعيا

المية بتحتوى على صفر كالوريز وكربوهيدرات وشوية او مافيش صوديوم، والمية بتساعد الجسم على التخلص من السموم وتزود من معدل حرق الدهون كمان، انت ممكن تضيف ليمون أو نعناع على كوباية المية.
- اشرب قهوة قبل التمرين بساعة
القهوة مع لبن خالى الدسم او قهوة سادة حتنشطك فتقدر تعمل التمرين وكمان نحرق كالوريز اكتر.
- ابعد عن الباستا والعيش الأبيض
ابعد عن كل منتجات القمح الأبيض زى: الرز الأبيض وسباغيتي لانهم بتحتوي على كربوهيدرات سهلة الهضم وبتنفخ البطن وحتجوع بعديها بسرعة وتاكل اكتر، احسن حاجة انك تأكل بدلهم منتجات الحبوب الكاملة والخضروات لأنهم بيحتوى على كربوهيدرات مركبة وبتتهضم ببطء، فتحس بالشبع لمده أطول.
- ابعد عن اى سناكس غير صحيه
شيل من وجباتك اس سناكس غير صحية زى: البطاطس أو الشوكلاته او الحلويات أو الجاتوه.
- سلمون على الغداء
السلمون مليان بالعناصر الغذائية اللى بتبنى عضلات وكمان كويس للجسم وللجلد.
- نام نص ساعة زيادة بالليل
النص ساعة الزيادة على 8 ساعات نوم حتزود من معدل حرقك للدهون لان الجسم بيبنى عضلات وانت نايم.
- افرد ظهرك
خلّى ظهرك مفرود وكتفك لورا واشفط بطنك لجوه علشان تخلى شكلك ارفع.
- تمرينة الsquats و تمرينة الsit-ups
اعمل 3 مجموعات وعدد المرات 12 لكل مجموعة، علشان تشد بطنك والمؤخرة والرجلين، التمارين دول حتساعد على تقوية عضلات الجزء السفلى من الجسم.
- Cardio لمدة 30 دقيقة يومياً
الcardio بيزود من سرعة ضربات القلب وبيحرق كالوريز، انت ممكن تختار تمرين cardio شديد زى kickboxing اللى بيمرن كذا عضلة فى نفس الوقت زى الدراع والرجلين والظهر علشان تحرق كالوريز اكتر واكتر فى وقت اقل.
- اعمل 36 مرة تمرينة الPush-Ups والLunges يومياً
اعمل 3 مجموعات وعدد المرات 12 لكل مجموعة يومياً (لو تقدر)، تمرينة الPush-ups بتركز على الجزء العلوى من الجسم، اما تمرينة الlunges بتركز على المؤخرة والفخد والرجلين، انت ممكن تبنى عضلات اكتر مع تمرينة الlunges لو انت شايل free weights فى كل ايد وانت بتعمل التمرين.