بالفيديو.. زوجة قتيل إمبابة: "حمادة ملحقش يفرح ببنته ومالوش في السياسة "

التقت "فيتو" "سارة"، زوجة حمادة خليل الذي لقي مصرعه أمس الأحد على يد أمين شرطة يدعى أحمد الطيب داخل ديوان القسم أثناء ذهابه لدفع كفالة لأحد المتهمين.
وقالت زوجة القتيل ل"فيتو": حمادة ده كان طيب وجدع وكل الناس كانت بتحبه أتحدى أي حد يقول إن فيه واحد بس بيكرهه، ومالوش في السياسة وطول عمره في حالة.. لسه ربنا كارمنا بفريدة عندها 10 أيام كان فرحان بيها قوى.. إمبارح كان رايح معايا عند الدكتور ولما رجعنا راح القسم ومرجعش".
وأضافت سارة "قبل ماينزل مسك فريدة وفضل باصص ليها كتير ولما سألته إنتى ليه بتبصلها كده يقوللى فرحان بيها.. بس مالحقش يفرح بيها مقعدش معاها غير أسبوع".