نشطاء «تويتر» يردون على اعتذار «الإرهابية».. «داليا»: مكنش إنعذر ولا باع جزر.. «محمد»: الإخوان المبرشمين.. «شهدي»: سلملي على أستاذية العالم.. «سلّام»: الجناح السياسي للغباء.. «كريم»: شلل ومرار

رفض نشطاء "تويتر"، البيان الذي أصدرته جماعة الإخوان "الإرهابية"، وقدمت فيه اعتذارًا للشعب المصري، ودعت لاستعادة روح ثورة 25 يناير، حيث اعتبر النشطاء "البيان" نوعًا من المراوغة التي تقوم بها «الإرهابية»، في هذا التوقيت لسرقة الثورة مرة أخرى، وعلق النشطاء على البيان بالجملة المصرية الشهيرة "ما كنش أنعذر ولا باع جزر".
رصدت «فيتو» أبرز تعليقات النشطاء على بيان «الإرهابية».
خالد عثمان: "بعدين الشىء الوحيد اللى اعتذروا عنه، هو إنهم وثقوا في المجلس العسكري، ومجبوش سيرة اللى عملوه السنة اللى
فاتت كلها، وهم في السلطة.. بيان الإخوان بيشر نفاق، حتى وهم بيعتذروا بيقولوا الكل أخطأ، ومؤامرات وكلام عام.. محستوش أنكوا غلط غير دلوقتى؟"
محمد بارودي: "بس يا سيدي، ومش عارف أبطل ضحك من ساعتها!".
محمد إسماعيل: الإخوان المبرشمين.. لسة الإخوان ما استوعبوش الدرس.. ولا عمرهم حيستوعبوه لأنه كبير عليهم".
فارس20302030: "الإخوان تعتذر للثوار في بيان عاجل.. وتؤكد 25 يناير لا هتاف إلا ضد العسكر ولا أعلام إلا علم مصر.. أفاقوا الآن".
تقي حبيب: "بيان الإخوان: تعالوا يا ثوار يا شطار يا حلوين يا طعمين يا لذاذ استكملوا ثورتكوا وإحنا نستكمل ركوبتنا تاني عليها".
المشاغب أبو طالب: "وأحب أرد على بيان الإخوان النهاردة بنفس المنطق وهو أغنية وردة أسمعوني. (لو الأيام بتتكلم كانت قالت عملنا ايه وكنا إيه)".
نيرمين: "بيان الإخوان: وعينا الدرس أنا: والنعمة احنا اللي وعينا الدروووس كلها".
طارق وائل: "من بيان الإخوان: فلا نبرئ أنفسنا من الخطأ الذي وقعنا فيه، حينما أحسنا الظن بالمجلس العسكري.. بجد بجد أنا كبهير انبهرت وكسعيد اتبسطت وكمواطن..".
داليا رفعت: "بيان الإخوان.. مكنش انعذر ولا باع جزر":
شهدي: "بيان الإخوان:مش أول ولا آخر بيان أهبل من ناس هبلة فاقدة الإحساس بالزمن والمكان، ومحدش يقدر فيهم ينزل الشارع يوزعه وسلملي على أستاذية العالم".
محمد شاهين: "بيان من الإخوان المسلمين بمناسبة الذكرى الثالثة لثورة يناير العظيمة بعد إيه ؟؟؟؟؟؟؟؟؟؟؟".
محمد قاسم: بصراحة بيان الإخوان بتاع النهاردة حاسه نقلة كبيرة كنت مستنيها من زمان".
أحمد ياسين على: "بيان الإخوان النهاردة بمناسبة ذكرى الثورة مفيهوش كلمة سلمية على الرغم من إن كل بياناتهم اللي فاتت كانت دايما كلمة الثورة مقرونة بكلمة سلمية".
بلال بلبل: "بيان الإخوان.. واقتنعنا بحكمة أن الوطن للشعب كله بكل أفراده وفصائله وقواه، «نديره» عبر مشاركة حقيقية من كل أطيافه..... مين نديره دي؟ عند...".
أحمد سامي سلام: "بيان الإخوان (الجناح السياسي للغباء) مثير للضحك.. ثم قليل من القئ.. ثم ضحك تاني تراهني يا حامد اني اضرب الراجل اللي هناك دة هو هو ع قفاه".
أحمد أنور: "بيان الإخوان: نعتذر للثوره والثوار، المرة اللى فاتت، وإحنا بنركبكم اتزحلقنا ووقعنا ممكن تنزلوا تانى والمرة دى هنركب وندلدل باحتراف؟"
كريم فريد" بيان الإخوان يشل، بيتكلموا عن إنكار الذات والمؤامرات اللي حصلت ضدهم.. مراار".
وعلق أحمد خالد على البيان قائلًا: "بيان الاخوان المسلمين بخصوص 25 يناير برعاية أغنية ما بلاش نتكلم فى الماضى"، فيما قال حسن عبدالحميد: "تعليقي على البيان بسم الله الرحمن الرحيم كان بشلن وخلصناه"، في الوقت نفسه سخرت ندى قائلة: "ناس طيبين أوي يا خال قال إيه كانو سذج وشربوا حاجة اصفرة وفاقوا بعد ما باعوا الشعب بثلاث سنوات كاملة"، وقال عادل الهواري: "ملخص بيان الإخوان احنا غلطانين عشان مااديناكوش بالجزمة م الأول ولو رجالة تعالوا انزلوا معانا ورجعونا واحنا هنوريكم".
وفي السياق ذاته هاجم فادي نبيل البيان قائلًا: " حينما تتحدث العاهرة عن الشرف", ووصفت إيمان البيان على طريقة غشان كنفاني حيث قالت: "أتعرفين ما هو #البؤس يا #صفية؟ هو بيان الاخوان", فيما اعرب حامد عن تخوفه من محاولة الجماعة الارهابية الوقيعة بين الجيش والشرطة: "لا للوقيعة بين الجيش و الشعب . ثكلتكم اْمكم اْيها الاخوان المستهبلون !".