نشطاء "تويتر" يحتفلون بهروب مرسى من السجن ب"كفارة يا ريس".. علاء: مش ناوى تكتب يوميات صبى المرشد..محمد: الدنيا دوارة يا ريس..القصاص: كنت عاوز أجيبلك عيش وحلاوة

أبى النشطاء أن يمر يوم ذكرى خروج "هروب" الرئيس محمد مرسى من السجن فى 28 يناير 2011 دون التعبير عن مدى غضبهم على سياساته بشكل ساخر وعلى طريقتهم, من خلال تدشين هاشتاج " كفارة يا ريس".
أحمد علاء عزب قال: "كفارة يا ريس.. مش ناوى تكتب يوميات صبى المرشد فى السجن؟ هى لو كانت سلمية زى ما بتقول مكنتش خرجت".
أبو الأدهم: "1000 1000 مبروك.. استمر انت كدا وهتكسب معانا تذكرة عودة لنفس الزنزانة إن شاء الله".
وليد: "هى أمريكا ساكتة ليه؟ مافيش حتى تويتاية على الأحداث الجارية فى مصر.. ولا انت أغلى من الكنز الاستراتيجى زى ما قال ال..!! ".
محمد شحاتة: "مش ناوى تعرّفنا إنت كلّمت الجزيرة إزاى يومها والاتصالات كلها مقطوعة فى مصر موبايل وأرضى ونت...".
وعلّق شريف كمال ساخرًا: "يا ترى بتحتفل بذكرى هروبك إنت وأهلك وعشيرتك إزاى؟ من حقنا كشعب نعرف طريقة احتفالك".
أنتونى حزب الدستور قال: "يا ترى بتحتفل بذكرى هروبك إنت وأهلك وعشيرتك إزاى؟ من حقنا كشعب نعرف طريقة احتفالك".
محمد صلاح معوض: "كان ممسوك طوارئ.. ودلوقتى بقى يعلن الطوارئ!!! الدنيا دوارة يا ريس".
أحمد عبود: "أتقدم بخالص التهنئة للدكتور محمد مرسى بمناسبة ذكرى هروبه الثانية من السجن.. كفارة يا ريس".
محمد سلامة: "الغريب إن احنا بنطالب مرسى بالقصاص من القتلة وهو فى يوم هروبه سقط شهداء من أجل إخراجه هو وغيره!!".
آية المهدى قالت: "كفارة يا ريس.. مش ناوى تقول بقى جبت هاتف الثريا بتاع القمر الصناعى اللى كلمت منه الجزيرة والاتصالات مقطوعة منين؟".
جون طلعت: "النهاردة ذكرى هروب مرسى من السجن، كل سنة وانت طيب، على فكرة كان معاه 36 عضو مكتب إرشاد، أنا سامع دعواتكم دلوقتى".
محمد سلامة: "اليوم ذكرى هروب مرسى من السجن.. كفارة يا ... ، آه لو أشوف اللى فتحلك السجن.. هو السبب فى اللى إحنا فيه دلوقتى".
محمد شوربجى: "ذكرى هروب الرئيس مرسى من السجن، فكّرهم ونكّد عليهم".
لبنى عمر: "ياه لو مكنوش فتحوا السجون.. كنا زمانّا من غير ريس.. زى النهاردة خيرت كان بيشبك لمرسى علشان ينط".
محمد القصاص قال: "كنت عاوز أجيبلك عيش وحلاوة".