حبيبتي حتة سكرة

حبيبتي ليه متغيرة وشك حزين
وانتي اللي كنتي منورة عتمة سنين
فاكرة يا مصر واحنا لسه صغيرين
كنت تضمي الكل تاخدي م القلب الأنين
فاكرة وأنا بنت بضفاير
وإنتي حضناني بشجن
لما يطير شعري الجدايل
كان قلبي بيحس الوطن
فاكرة سنين المدرسة
وسط الكتب متعذبين
كنتي يا أمي تصبريني بضحكتك وسط السنين
فاكراك نور ونيل وفجر وعيال بتجري فرحانين
وأذان يهل نرص أكل وفانوس وإحنا معيدين
إوعاكي تاني تكشري أو أشوف في يوم وشك حزين