شلاليت

اسمعيني لما أقول لك.. كلنا جنودك يامصر
وأنت فجر العزة لينا في كل عصر
وأنت شعبك هو جيشك في التحدي
وبكفاحه في كل شدة مالهاش حصر
خلي بالك م اللي عايزين يحرقوكي
وف بحور الشك والخوف يعزلوكي
أنت عارفة هم مين والشعب عارف
والحساب حيكون عسير لما يلاقوكي
انكشفتم واللي كان كان ياجماعة
بطلوا تهليل وزيطة كل ساعة
إحنا عارفين اللي شاري واللي بايع
والقرار الصعب محتاج للشجاعة
نفسي أعرف انتوا فين والشعب فين
المسافة بعيدة وأنتم في التخبط محتارين
مصر في القرآن عزيزة.. بكل دين
واسألوني أقول لكم يامخدوعين
صدقوني النهاية حتبقي دايمًا مأساوية
وأنتوا عارفين الشعوب صابرة وقوية
واللي شايف حد محتار واللا خايف
يبقى عايش وهم في ظنونه الخفية
فكروا في الحل يمكن تكسبونا
وافتحوا شبابيك ضميركم حتشفونا
وأن قفلتوها وصممتم تناكفم
يبقى غادرم بالسلامة وريحونا