مبارك : "قلت للأفريقيين اوعوا تمضوا على عنتيبي وممضوش إلا بعد ما اتنحيت"

أكد الرئيس الأسبق مبارك فى التسجيلات التى انفردت بها الزميلة "اليوم السابع" ردا على سؤال طبيبه الخاص، حد كان قال مرة إن حضرتك بعت طيارة حربية للسودان؟ لا دي كانت إشاعة وكان عندي وقتها تصور لغارة جوية تطلع تضرب السد في طلعة واحدة فرد الطبيب طيب ودلوقتي مينفعش؟
أجاب مبارك، لا طبعا مينفعش كده إنت هتوقع مع كل الأفارقة أنا كنت جايبهم وقولتلهم اوعوا تمضوا أول ما اتنحيت قالك دول مشغولين في الثورة وبتاع وبدأوا مشروع سد النهضة وتعديل الاتفاقية في أبريل.
ويكرر الطبيب الخاص، نقل تخوفات المصريين وقلقهم من أزمة مياه النيل فيستكمل مبارك حديثه، مكنوش يقدروا بفتحوا بوقهم معايا راحوا عملوا اتفاقية عنتيبي رحت لافف علي الدول علشان ميمضوش لكن دلوقتي الدول اللي أنا اتفقت معاهم علشان ميمضوش مضوا حتى جنوب السودان مضت كلمت رواندا وبورندي وأوغندا .
راح لهم أبو الغار كان معاه وفد شعبي قعدوا الإثيوبيين يخبطوا فيا جامد ومعاه مصريين يشتموا شوف الوقاحة لحد ما اتكلموا الإثيوبيين وقالوا، إنه طوال مدة حكم الرئيس الأسبق لم نفكر في بناء السد على الإطلاق.