مبارك: الأمريكان بيعملوا لي حساب.. و"كنت بسلط عليهم الإسرائيليين"

تحدث الرئيس الأسبق حسني مبارك، في التسجيلات الصوتية التي انفردت بنشرها الزميلة "اليوم السابع"، عن حقيقة العلاقات بين القاهرة وواشنطن في عهده ومطالبة الولايات المتحدة بإقامة قواعد عسكرية في مصر ورفضه لهذا الطلب.
يقول "مبارك"، في حديث مع طبيبه الخاص: "إحنا بقينا ضعاف الكل بيستهيفنا دلوقتي.. عرفوا إن إحنا بلد ضعيفة".. يرد طبيبه الخاص "بقينا ضعاف يا ريس".. فيستكمل مبارك:"الأمريكان كانوا زمان بيعملوا لي حساب رغم إن مرضيتش أديهم ولا قاعدة عسكرية ولا حاجة إطلاقا وطلبوا مني كتير وحاولوا معايا محاولات رهيبة بس أنا مبعلنش ده علشان محدش يزايد عليا".
ويضيف "بسلط عليهم الإسرائيليين بستغل الإسرائيليين بطريقة؛ يعني شارون كان عندي مرة وبيقوا لي عايزين ننشط التجارة بينا قلت له انتو اللي موقفين التجارة كانت نشيطة أيام رابين إنتوا اللي وقفتوها كانوا عايزنا نصدر في اتفاقية الكويز بدون جمارك وكانوا بيشترطوا في أي صناعة بتصنعها عندك تاخد مكونات من إسرائيل بنسبة 8 أو 10٪".. يقاطعه الطبيب "الدنيا اتقلبت علينا وقتها وقالت هتبقي شراكة إسرائيلية وبتاع".. فيرد مبارك :"قلت لشارون لا ده كلام فارغ".