طق.. حنك الرئيس

فتح صدره فى الميدان، قال أنا يا ناس مش جبان، لا عايز أمن ولا تأمين، ولا عايز حرس مدججين، أنا وسط أهلى وناسى، لا فيهم شقى ولا فيهم أسى، الكلمات دى أرسلها محرر "هريدى نيوز" لما لقى رئيس جمهورية الموز، فى طريقه مسافر، لبلاد مفيهاش كافر، ركب الراجل مع شعبه، لا حد اهتم ولا حد تاعبه، وافتكر محررنا اللى قراه اليوم، لما صحى من النوم، وحلف لا يعيده علينا تانى، فكتب وقال: "إنه تقرر صرف كل العاملين بهيئة ميناء القاهرة الجوى، اليوم الأحد، الساعة الواحدة ظهرًا؛ لتصادف سفر الرئيس محمد مرسى إلى المملكة العربية السعودية؛ لحضور القمة الاقتصادية التى تعقد حاليًا بالرياض، فى توقيت خروج العاملين".
قال محررنا جدير بالذكر أن الرئيس مرسى فتح البدلة وقال "أنا أهو مش محتاج لحراسة"، طبعا كلنا عرفنا إنه كان "طق حنك" وبس، وكله كان كلام بس، خلاص يا عم اتعودنا، ومن الفشر اتفقعت مرارتنا.