سالي عبد السلام تعلن وفاة توأميها قبل ولادتهما: ادعوا لي واللي قال عليا مش عايزة تخلف بيني وبينهم ربنا

أعلنت الإعلامية سالي عبد السلام عن وفاة توأميها قبل ولادتهما، وقالت في رسالة مؤثرة على صفحتها الشخصية ب"فيس بوك": "قدر الله وما شاء فعل، من كام يوم، وده بعد سنتين انتظار التوأم اللي كان نفسي فيهم أوى يا رب، سنتين صبر وأنت مفيش قدامك غير الصبر زي أي رزق، والحمد لله إن اختباري كان في الصبر وبس مش أكتر وكنت طالباها تيجي من عند ربنا خالص ومن غير تدخل دكاترة".

وأضافت: "الحمد لله على نعمة الأخذ بعد العطاء، يا رب فقدت أغلى ما ليَّ، واللي كان هيكون ليَّ، الحمد لله، قدري الحمد لله، أنا بكتب الكلام ده عشان يمكن حد يتعلم!! كل حد قال لى وقال عليَّ مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي (وهم لا يعلمون شيئًا)".
وتابعت سالي عبد السلام: "عشان كل حد بيضغط على اللي قدامه وفاكر إنه حقه وده لا يحق له عشان المفروض إنه قريب أو معتبر نفسه كده ومش من أهله أصلًا ولا يحق له ويحسسهم إن وراهم تارجت يا إما هيكون منبوذ منهم وهنسود عيشتك بسؤالنا كل شهر ونضغط عليك مع إنهم مش هيشيلوا أصلًا وما حدش هيشيل غيرك.. (وهم لا يعلمون شيئًا).
ووواصلت: "اوعَ تقولي إنك حامل وخافي من العين وأي كلام في الموضوع ده بالذات!!! أهه ما قُلتش وبرضه ما حصلش ومع احترامي ليهم العرسة بتخلف ده مش إنجاز... (وهم لا يعلمون شيئًا).
واستطردت: "عشان كل ست اوعي تبقى ب 100 ست وتشيلي مسؤولية كل حاجة لوحدك "لوحدك".. الست الجدعة بجد ما بتاخدش حاجة.. الست الجدعة ما حدش بيساعدها وكله بيرمي عليها وكمان لما ما نعرفش نبقى زيها نعطلها أو نقلل منها وبمعنى أصح نبقى سبب في سقوط كل حاجة فيها مش أطفالها بس! يا ريتني قُلت ما بعرفش أو مش هقدر عشان ما أوصلش لكدة! (وهم لا يعلمون شيئًا)

وأضافت: "كلنا تعبنا وبنتعب ومحدش بيحس ومحدش طلب منك تحس بس الرحمة... الرحمة.. كل اللي كتبت عنهم بيني وبينكم الله".

واختتمت الإعلامية سالي عبد السلام البوست قائلة: "إنا لله وإنا إليه راجعون.. ادعوا لي كتير.. راضية والحمد لله.. بس بنهار وأنا بصلي ومش بطلب غير الثبات من ربنا.. بس ليَّ بيتين في الجنة.. اخترت الآخرة والأبقى يا الله".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
تابع موقع فيتو عبر قناة (يوتيوب) اضغط هنا
تابع موقع فيتو عبر قناة (واتساب) اضغط هنا
تابع موقع فيتو عبر تطبيق (نبض) اضغط هنا
تابع موقع فيتو عبر تطبيق (جوجل نيوز) اضغط هنا