إعلامية شهيرة تتعرض للإجهاض في توأم (تفاصيل)

أعلنت الإعلامية سالي عبدالسلام، مقدمة برنامج «قصة حقيقة المعروض» على القناة «الأولى»، عن تعرضها للإجهاض بعد انتظارها فرصة الحمل لمدة عامين.
سالي عبدالسلام: كنت طالباها تيجى من عند ربنا خالص ومن غير تدخل دكاترة
وكتبت سالي عبدالسلام عبر «فيسبوك»: «قدر الله وما شاء فعل من كام يوم .. وده بعد سنتين انتظار التوأم اللى كان نفسى فيهم اوى يا رب.. سنتين صبر وانت مفيش قدامك غير الصبر زى أي رزق والحمدلله إن اختباري كان في الصبر وبس مش اكتر وكنت طالباها تيجى من عند ربنا خالص ومن غير تدخل دكاترة».
وأضافت: «الحمدلله على نعمة الأخذ بعد العطاء.. يا رب.. فقدت اغلى ما ليا.. واللى كان هيكون ليا.. الحمدلله.. قدرى الحمدلله.. أنا بكتب الكلام ده عشان يمكن حد يتعلم.. كل حد قالى وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتى».
وتابعت: «عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب أو معتبر نفسه كده ومش من اهله اصلًا ولا يحق له ويحسسهم أن وراهم تارجت يا اما هيكون منبوذ منهم وهنسود عيشتك بسؤالنا كل شهر ونضغط عليك مع انهم مش هيشيلوا اصلا ومحدش هيشيل غيرك».
واستكملت: «اوعى تقولى انك حامل وخافى من العين واى كلام في الموضوع ده بالذات.. اه مقولتش وبرضه محصلش ومع احترامى ليهم العرسة بتخلف ده مش انجاز.. عشان كل ست اوعى تبقى ب100ست وتشيلى مسؤولية كل حاجة لوحدك.. الست الجدعة بجد مبتاخدش حاجة.. الست الجدعة محدش بيساعدها وكله بيرمى عليها وكمان لما منعرفش نبقى زيها نعطلها أو نقلل منها وبمعنى اصح نبقى سبب في سقوط كل حاجة فيها مش اطفالها بس يا ريتنى قولت مبعرفش أو مش هقدر عشان موصلش لكده».
واختتمت: «كلنا تعبنا وبنتعب ومحدش بيحس ومحدش طلب منك تحس.. بس الرحمة.. الرحمة.. كل اللى كتبت عنهم بينى وبينكم الله... إنا لله وإنا إليه راجعون.. ادعولى كتير.. راضية والحمدلله.. بس بنهار وانا بصلى ومش بطلب غير الثبات من ربنا.. بس ليا بيتين في الجنة.. اخترت الآخرة والأبقى يا الله».
اقرأ أيضًا
سالي عبدالسلام تحتفل بحصولها على حكم ضد متحرش