عملت زي البنات والناس فوقتني، أحمد سعد يكشف قصة ارتدائه الحلق والقميص الشبك الشفاف (فيديو)

أحمد سعد، كشف المطرب أحمد سعد، القصة الكاملة لارتدائه حلقًا والقميص ال"شبك" الشفاف، قائلًا: "أنا كنت خارم ودني في وقت كانت الحياة كلها مخرومة".

إستايلست ميلانو وأزمة إطلالة أحمد سعد
وأضاف خلال لقائه ببرنامج "بيج تايم بودكاست" الذي يقدمه عمرو أديب بقناة "إم بي سي": "ابتدت الحياة تبقى معايا في أحسن حال بفضل الله والأغاني بتنجح ابتديت أعمل زي بقية الناس في الحياة وأشوف أحسن الإستايلست ورُحت ميلانو في إيطاليا وجابوا لي أحسن إستايلست وجاب لي أحسن حاجة في الكوليكشن ومشيت في مسار طبيعي في الفاشون بس هي الفكرة هل الناس هيحبوا يشوفوني بشكل معين دا ما كنتش أعرفه وأنا ما حاربتش كتير علشان أدافع عن فكرة لبسي".

اعتذار أحمد سعد
وتابع: "هجوم الناس عليَّ بعد أزمة اللبس فوقني وصحاني وأنا أعترف إن الموضوع ما كانش صح نهائي واعتذرت عنه، هو البنات بتعمل حاجات غريبة إنما احنا عملنا زي البنات".

ولفت: "الإستايلست في ميلانو هو اللي اختار لي القميص الشبك الشفاف، وكنت متخيل إن الموضوع هيبقى كويس، بس الدنيا قلبت عليَّ وعلشان ناخد الكوليكشن على بعضه ونركب التريند لبست كمان حلق، وأول لما طلعت المسرح ما حصلش حاجة وكنت مفكر إن الناس كلها هتلبس قميص شبك شفاف زيي، ولكن أول حاجة أم واحد صاحبي كلمتني وقالت لي يخرب بيتك إيه اللي عملته دا يا ولد وهي ست قديمة".

مصير قميص أحمد سعد المثير للجدل
وواصل أحمد سعد: "لما نزلت من المسرح لقيت الدنيا مقلوبة والكل بيتكلم عن القميص الشبك وابتدوا يشتغلوا عليَّ ووقتها ما كنتش لسه ندمت وقلت الناس مش فاهمين وكل الناس انتقدوه في الأول وبعد كدا عادي، ولكن الأمر ما كانش عادي وتعرضت لهجوم شرس واعتذرت عن الإطلالة".
أحمد سعد ضيف عمرو أديب وأصالة في "بيج تايم"
سمية الخشاب توجه رسالة قوية ل أحمد سعد وأيتن عامر تكشف سر أزمة الفستان

ولفت: "القميص الشبك الشفاف لسه عندي، ولكن ليلة الحفلة شِلته وقلعته وقلت يا ريتني ما كنت لبسته، التريند كان مبهر بس كان كله إساءة وسلبي ليَّ".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.