شيرين عبد الوهاب: فكرت أموت نفسي وكنت بقول يا رب خدني واللي بيأذيني مش حطاه في راسي (فيديو)

شيرين عبد الوهاب، قالت الفنانة شيرين عبد الوهاب: "لما كانت الناس تشوفني في حفلة ويقولوا لي مش دا أداء شيرين اللي احنا نعرفه، إحساسهم كان حقيقي لإني ما كنتش طبيعية، وفي أول حفلة وقعت فيها بعد أزمتي وقعت وقعة غريبة جدًّا على ركبتي وقعدت فترة أتعالج وما حدش كان يعرف، وكان فيه حاجة غريبة بتحصل".

ظروف صعبة لشيرين عبد الوهاب
وأضافت خلال لقائها ببرنامج "بيج تايم بودكاست" الذي يقدمه عمرو أديب وأصالة بقناة "إم بي سي 1": "اللي بيأذيني مش حطاه في راسي بس أنا بتأثر والناس من حقها تعرف أنا كنت تعبانة والظروف كانت معايا صعبة".

حكمة الله مع شيرين
وتابعت شيرين: "أنا عملت كل حاجة علشان أمشي وأصحى من النوم ألاقي نفسي لسه موجودة في الدنيا وأبص لربنا وأقول حكمتك يا رب".

رغبة شيرين عبد الوهاب في الموت
واستطردت: "فيه أوقات حاولت أموت وكنت بقول لربنا لو ما خدتنيش أنا هزعل منك وعايزاك تاخدني أنا وأولادي علشان أنا مش هعرف أسيبهم لإن ممكن حد في الدنيا يعذبهم ويستغلهم لإني أنا شُفت أقرب الناس وأبعد الناس والناس اللي كنت متخيلة من زملائي الفنانين يقفوا معايا لكني لقيت غل رهيب وغيرة ومفيش حتى كلمة سلامتك وكانوا يطلعوا يتكلموا في السوشيال ميديا إنهم معايا وأولادي في عينيهم، ولكن عملوا معايا عكس كده، وكانوا بس عايزني أقع وكانوا كدابين".
تغريم المطربة شيرين عبد الوهاب بتهمة سب وقذف المنتج محمد الشاعر
تفاصيل شخصية شيرين في مسلسل "أشغال شقة"
معاناة شيرين عبد الوهاب مع زملائها
وواصلت: "أنا شُفت بعيني بعض الفنانين زمايلي لاقيتهم حابين الوقعة دي لشيرين، وكإني باكل أكلهم أو باخد رزقهم، وما حدش بياخد رزق حد، والطمع كان في صوتي وفي اللي أنا وصلت له".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.