رسالة مؤثرة من أوكا على الهواء تتسبب في بكاء مي كساب (فيديو)

مي كساب وأوكا، بكت الفنانة مي كساب، على الهواء، متأثرة بحديث زوجها مطرب المهرجانات أوكا، الذي عبر عن حبه لها وتقديره لدورها في حياته.
رسالة مؤثرة من أوكا لمي كساب
وقال "أوكا" خلال مداخلة هاتفية ببرنامج "واحد من الناس" الذي يقدمه الإعلامي عمرو الليثي بقناة "الحياة": "مي كل حاجة في حياتي وواقفة جنبي من قبل ما نتجوز وشالت حاجات كتير أوي وأنا عايز أعوضها عن كل اللي فات وكفاية طيبة قلبها على أهلي وأصحابي والناس اللي متعرفهمش وأنا بتعلم منها".


شجار بداية الزواج
وأضاف: "في الأول كنت دايما بنتخانق أنا ومي كساب بسبب طبخها، لإني كنت واخد على أكل ستي الله يرحمها، فجأة لقيت أكل شيك وبقيت أقولها أنتي فاشلة في الأكل، دلوقتي بقت رقم 1 في الأكل خاصة الفراخ البانيه والمكرونة الباشميل وطاجن العكاوي".

مشاركة أوكا في اختيارات مي كساب
ولفت: "مي كساب بتسألني في الأول عن أي عمل فني بيتعرض عليها بس أنا بقولها ده شغل وانتي عندك فكر وطموح وإحساس واعملي الصح، وساعات كتير بقولها متعمليش العمل ده وبتسمع كلامي".

أغنية العب يلا وغيرة مي كساب
وأشار: "من أول أغنية العب يلا، باخد رأي مي كساب في كل حاجة، وهي بتغير على من خوفها وأنا بقدر فيها دي أوي".

دعم أوكا لمي كساب
من جانبها قالت مي كساب: "لما باكون تعبانة أوكا بياخد باله مني طول الوقت في الأكل وكل حاجة وبيبقى متعاون".

ولفتت: "فيه ناس كان هو عرافهم قبلي فكان شايف إني لو اشتغلت معاهم هيقلوا من صورتي ومش هيرضوا طموحي، ورجعت عربون الشغل ومشتغلتش معاهم".

في آخر ظهور لها، مي كساب تثير الجدل بنحافتها
في عيد ميلادها ال 42.. محطات مهمة في مشوار مي كساب (إنفوجراف)
وأشارت:"هو معتدل في الغيرة وبيثق فيا وعارف اني متربية كويس ومش بسمح لحد يتعدي حدوده معايا، وانا لما اتجوزته كان كل اصحابي ولاد بس مبقتش علاقتنا زي الأول وهما كمان احترموا إني بقيت متجوزة، ولكن التحكمات بسيطة في اللبس، وانا بحترمه وهو جوزي وابو عيالي وحبيبي".
ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.