بعد صورتها بالباروكة وفستانها الباربي، رد فعل مفاجأة من أسما شريف منير مع الجمهور

لازالت خبيرة التجميل والبلوجر، أسما شريف منير، تحاول خطف الأنظار إليها بإطلالتها الغريبة، وذلك بعد حلقها لشعرها بالكامل خلال الأيام الماضية.

أسما شريف منير بإطلالة مثيرة في أحدث ظهور

في هذا السياق، فاجأت، أسما الجمهور بغلق التعليقات علي صورها التى نشرتها من خلال حسابها الشخصي عبر موقع "إنستجرام"، وهو ما تداول الجمهور صورها عبر موقع التدوينات القصيرة، مؤكدين علي أنها لازالت خائفة من رد فعل المتابعين، بسبب ما حدث الأيام الماضية

وظهرت أسما شريف منير بفستان قصير باللون "البمبي" مرتدية لباروكا باللون الأصفر وذلك بعد حلق شعرها بالكامل.

وكان علق الفنان شريف منير على تريند صور ابنته أسما وهي حليقة الشعر على طريقة الزيرو.

وخرج شريف ليعلق على الأمر قائلًا: ايه الضجة اللي أنتو عاملينها دي، كل ده عشان بنتي قصت شعرها قدام الكاميرا.. إيه الغلط اللي هي عملته.. تصرف عادي جدًّا مفيهوش أي حاجة.. اوعوا تفتكروا إني ممكن آجي على بنتي عشان أكسب رضاكم.. دي بنتي اللي مليش غيرها واللي بحبها".

وأضاف: "بالمناسبة اللوك اللي عملته عجبني.. بس قبل ما الإخوة اللي بيهاجموا ويقولوا بتعمل كده عشان تريند أو أبوها ما عرفش يربيها.. لأ أنا بنتي متربية كويس جدًّا.. بس هي بتتصرف باللي هي حاسة بيه.. المهم إنها ما تكونش بتأذي حد.. قبل ما تتكلموا بصوا على نفسكم.. اتفرجوا على عيلتكم ولادكم وإخواتكم الناس اللي حواليكم.. قبل ما تنتقدوا وتغلطوا في تربية حد.. أنا بنتي متربية كويس جدًّا".
وتابع: "ريحوا نفسكم.. لأن اللي حصل من بنتي مش غلط ومش عيب.. هي ما غلطتش في حد فيكم.. هي حرة في نفسها.. وعندها 36 سنة وام وعندها بنوتة ومسئولة عن نفسها.. أنا أب مسئول إني أحميها.. إنما هي حرة في تصرفاتها.. وبكرر تاني أسما أنتِ شكلك حلو جدًّا وكنتِ زي القمر وخدتِ التريند برافو عليكِ.. ما تسمعيش كلام حد.. وما تهتميش بكلام حد وأنا مش مهتم بالكلام اللي بيتقال عليَّ أو عليها.. المهم إن احنا ما بنضرش حد".

أسما شريف منير، فيتو
وكانت كشفت أسما شريف منير حقيقة إصابتها بالاكتئاب خلال الفترة الماضية، ما أدى إلى قرارها بحلق شعرها بالكامل، وذلك خلال حسابها الشخصي علي موقع تبادل الصور والفيديوهات "إنستجرام".

ونشرت أسما مجموعة صور من إطلالتها في الدورة الثانية من مهرجان القاهرة للدراما، والذي أقيم في مدينة العلمين.
وأكدت أسما شريف منير أن قرار حلقها لشعرها بالكامل كان لحظة انفعالية قائلة: "أولًا الحكاية جت بالصدفة جدًّا وكان قرارًا لحظيًّا وانفعاليًّا جدًّا ومش ندمانة عليه، تاني حاجة أنا مش بعمل كده عشان أطلع ترند بس كنت عارفة إني هبقي ترند، في فرق كبير بين عايزة، وعارفة علي فكرة الترند ده نقمة مش حاجة حلوة خالص بس مش هدخل في الجدل دا دلوقتِ.

أكدت "أسما" أن هذه الخطوة التي اتخذتها ليست بسبب الاكتئاب، قائلة: "أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وارادة وتحد وجرأة وشجاعة وكل حاجة إيجابية في الكون.
وقالت أسما شريف منير إنها كانت تمر بفترة صعبة بحياتها، متابعة: "أنا فعلًا من فترة كنت بمر بمرحلة صعبة جدًّا بس كنت في رحلة بقالي شوية بتعافي منها وبقف على رجلي من الأول وكان آخرها رحلة دهب، بالعكس ده مش اكتئاب ده مرحلة انتقالية مؤمنة إني هحقق فيها حاجات كتير.

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.