ساخرون.. غراب البين يكتب: متعكننوش على ‬الناس

بعد ‬عناء ‬يوم ‬طويل ‬من ‬اللف ‬والدوران ‬قررت ‬أريح ‬جتتى ‬ساعتين. ‬ وقفت ‬على ‬سور ‬بلكونة ‬الحاج ‬ممدوح ‬وانكمشت ‬بين ‬أجنحتى ‬وقبل ‬أن ‬تغمض ‬عيناى ‬سمعت ‬صوت ‬حوار ‬يأتى ‬من ‬المقهى ‬أسفل ‬البلكونة، ‬نظرت ‬إلى ‬أسفل ‬فرأيت ‬طفلا ‬يقوم ‬بتوزيع ‬بوسترات ‬دعاية ‬على ‬زباين ‬المقهى ‬فعرفت ‬سبب ‬هذا ‬الحوار ‬المؤلم.
‬البوسترات ‬كانت ‬عبارة ‬عن ‬قائمة ‬أسعار ‬لأحد ‬المطاعم ‬التقطها ‬أحدهم ‬وبعد ‬نظرة ‬فاحصة ‬وتنهيدة ‬طويلة ‬قال ‬لصديقه: ‬والله ‬حاسس ‬إنى ‬نمت ‬حوالى ‬20 ‬سنة ‬ولسه ‬صاحى ‬حالا.. ‬ إيه ‬الأسعار ‬دى ‬يا ‬عم ‬خالد؟
‬خالد ‬ومعه ‬بوستر ‬آخر ‬ألقى ‬عليه ‬نظرة ‬قال ‬له: ‬الأسعار ‬دى ‬ثلاث ‬أضعاف ‬زمان. ‬فقال ‬له ‬الأول: ‬زمان ‬دا ‬اللى ‬هو ‬من ‬كام ‬سنة ‬يعنى؟! ‬فرد ‬عليه ‬صديقه: ‬يعنى ‬من ‬حوالى ‬4 ‬أو ‬5 ‬شهور ‬كدا.. ‬ضحك ‬الأول ‬وقال ‬ساخرا:‬ ‬كيلو ‬كباب ‬إيه ‬اللى ‬بألف ‬جنيه ‬مع ‬أن ‬كيلو ‬اللحمة ‬ب300 ‬جنيه؟! ‬فقال ‬له ‬الثانى: ‬ما ‬هو ‬كيلو ‬الكباب ‬كان ‬ب300 ‬جنيه ‬لما ‬كيلو ‬اللحمة ‬كان ‬ب ‬120 ‬جنيه.. ‬عموما ‬ماتشغلش ‬بالك ‬إحنا ‬كدا ‬كدا ‬لا ‬بناكل ‬لحمة ‬ولا ‬بناكل ‬كباب.‬
وهنا ‬أدركت ‬أن ‬الليلة ‬دى ‬مافيهاش ‬نوم، ‬وأنى ‬اخترت ‬مكان ‬مش ‬مناسب.. ‬فوقفت ‬على ‬قدمى ‬ونفشت ‬ريشى ‬وأخذت ‬أنعق ‬بأعلى ‬صوتى ‬"قاق ‬قاق" ‬فراح ‬الاثنان ‬ومعهم ‬جميع ‬رواد ‬المقهى ‬يهشوننى ‬ويقولون ‬لى: ‬غور ‬من ‬هنا ‬يا ‬غراب ‬البين ‬جبتلنا ‬النكد ‬والفقر.. ‬فهربت ‬مسرعا ‬قبل ‬أن ‬يحدفونى ‬بأحجار ‬الشيشة ‬ولسان ‬حالى ‬يقول: ‬بقا ‬أنا ‬اللى ‬جبتلكم ‬النكد ‬والفقر ‬يا ‬شوية ‬بنى ‬آدمين ‬أم ‬أنكم ‬من ‬تنكدون ‬على ‬بعضكم ‬البعض ‬بمناسبة ‬وبغير ‬مناسبة؟!‬
ساخرون، غراب البين يكتب: بلاها دهب
ساخرون.. مناخوليا، العقل الذى طار
يعنى ‬إيه ‬مطعم ‬للحوم ‬يوزع ‬بوسترات ‬دعاية ‬على ‬ناس ‬شقيانة ‬ويا ‬دوب ‬قاعدين ‬على ‬المقهى ‬علشان ‬يتنفسوا ‬وينسوا ‬الهم ‬والشقاء؟! ‬يعنى ‬حضرتك ‬كصاحب ‬مطعم ‬بالأسعار ‬دى ‬تقدر ‬تقولى ‬بتوزع ‬بوستراتك ‬على ‬الناس ‬الغلابة ‬دى ‬ليه؟! ‬مش ‬المفروض ‬تختار ‬جمهورك ‬وزبائنك ‬وتحترم ‬مشاعر ‬الناس؟! يا ‬ريت ‬بلاش ‬تعكننوا ‬على ‬بعض.. ‬ياخى ‬جاتها ‬ستين ‬ألف ‬نيلة ‬اللى ‬عايزة ‬تخلف ‬بنى ‬آدمين ‬زيكم ‬مش ‬بيحترموا ‬شعور ‬بعض!