شيرين رضا: مش هكرر تجربة الجواز تاني والبوسة في الأفلام مش عيب (فيديو)

قالت الفنانة شيرين رضا: "أخدت حظي من السينما ومبسوطة باللي أنا أخدته، وبحب فيلم فوتو كوبي مع محمود حميدة، وبحب فيلم الضيف".

قبلة شيرين رضا في الأفلام
وأضافت خلال الجزء الثاني من لقائها ببرنامج "أنا والقناع" الذي تقدمه الإعلامية إيمان أبو طالب بقناة "الحياة": "طوال مسيرتي الفنية ما عنديش إلا بوسة واحدة ومش ندمانة ولا فخورة بيها وهي دور كنت بلعبه وكانت في مكانها".
موقف شيرين رضا من الأدوار الجريئة
وتابعت شيرين رضا: "أنا بعمل اللي يناسبني في الأفلام والقبلة موظفة دراميًّا في مكانها ما عنديش مانع علشان احنا كلنا بنبوس بعض والبوسة مش حاجة عيب".
فشل شيرين رضا في الزواج
ولفتت: "من الواضح من تجربتين إني فاشلة في الجواز، وما أحبش أكرر التجربة تاني، ومش عايزة أحط إيدي في فيشة الكهربا وأتكهرب تاني، وعمري ما هبقى أمينة وسي السيد، لا أنا أمينة ولا ينفع أخضع لثقافة سي السيد وبحب أعيش إنسانة طبيعية".
في نفس اللقاء، قالت الفنانة شيرين رضا: "الجوازات اللي باظت وبنتي الوحيدة علموني وخلوني واحدة مسؤولة ومش كل الناس تعرف تشيل مسؤولية وفيه ناس بتيجي بعد خطوتين تلاتة وتنهار".

مسؤولية شيرين رضا
وأضافت: "أهلي علموني واللي حصل بعد كده في حياتي عوامل خلتني أعرف أشيل مسؤولية".

مشكلة الرجل والمرأة في المجتمع الشرقي
وتابعت الفنانة شيرين رضا: "مشكلة مجتمعاتنا إن الراجل مخادع والست كائن ساذج، الست عقلها بيتخدر من المخادعين وعقلي اتخدر قبل كدا وصدقت وعديت بمزاجي".

درس شيرين رضا لابنتها نور عمرو دياب
ولفتت شيرين رضا: "علمت بنتي نور عمرو دياب أهمية النقاش، يعني ما ينفعش أقول لها لا وخلاص لازم أشرح لها سبب اعتراضي أو رفضي، لما بشرح بخليها تسمع، وعلمتها كامرأة تحافظ على مخها ونفسها إنها تكون دايمًا فخورة باللي هي بتعمله وما تتكسفش من حاجة، وطلعت ليَّ أنها جادة وما بتخليش مشاعرها تمشيها وبتعرف تفرق بين الناس".
سر خوف شيرين رضا على ابنتها ووجه الشبه مع عمرو دياب
وتابعت: "خفت على بنتي من الحياة لأنها عايشة برة، ومن الصعب إني أسيبها وأعتمد على إنها تعرف بس أنا كنت مصدقة فيها علشان علمتها كفاية إنها تعتمد على نفسها، وأخدت من والدها إيديه ورجليه بالظبط صوابع إيديها ورجليها زي عمرو دياب بالظبط، وحركتها زيه وتشبهه في الملامح، بس البنت بتاخد أكتر من مامتها في التعامل، بس نور أكيد سر أبوها بس أنا ما أعرفش ما بينهم إيه".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.