علا غانم باكية: عايزة أخف وحقي يرجعلي (فيديو)

دخلت الفنانة علا غانم، في نوبة بكاء، حزنًا على تصرفات زوجها تجاهها الفترة الأخيرة والاتهامات التي وجهها إليها عبر الشاشات.

رسالة علا غانم إلى زوجها
وقالت علا غانم خلال برومو حلقتها مع الإعلامية ريهام سعيد ببرنامج "صبايا الشمس"، موجهة حديثها لزوجها:"ولا بقدر أسمع صوته ولا عايزه أشوفه أبدا ومش عايزاه حتي يسأل عني".
أمنية علا غانم
وتابعت علا غانم:"كل اللي عايزاه إني أخف وحقي يرجعلي ولو خد شوية وقت أنا واثقة أنه هيرجعلي".
علا غانم تعتذر للجمهور
وأضافت باكية:"أنا بقيت أقوى من الأول وهأكون أحسن وبقول للناس سامحوني لو كنت ضايقتكم الفترة اللى فاتت بس كان حقيقي غصب عني ومش بإيدي، وآسفة عن كل الأحداث الوحشة اللى بتسمعوها".

تذاع حلقة الفنانة علا غانم كاملة مع ريهام سعيد، في تمام التاسعة مساء علي قناة "الشمس".

نيابة الأزبكية تصرف علا غانم من سراي النيابة
خروج علا غانم من موسم رمضان 2023 رسميًا

وعقب فترة طويلة من التحضيرات والبروفات الخاصة بمسلسل (توحة) بطولته النجمة علا غانم والذي كان سيشهد عودتها إلى الدراما التليفزيونية مجددًا بعد ما يقرب من 5 سنوات من الغياب، يبدو أن موسم دراما رمضان 2023 سيسجل غيابًا جديدًا ل علا.
إذ كشف المنتج عاصم المنياوي إن مسلسل "توحه" ل علا غانم، خارج موسم دراما رمضان 2023 رسميًا، بسبب ضيق الوقت.
و وتابع منتج العمل ل"ET بالعربي أن الأزمات وراء خروج المسلسل، حيث إن موعد التصوير لازال مجهولًا بالنسبة لطاقم العمل وعلى رأسهم المخرج محمد النقلي.. وجميع الأبطال.
بكاء علا غانم، فيتو
صرخات علا غانم بعد الهجوم على منزلها
وقالت الفنانة علا غانم باكية، خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "mbc مصر": "يوم الجمعة بعد الصلاة فجأة لقيت أحد الخفر بينده لي وبيقول لي فيه ناس كتير بيقولوا أنهم تبعك، طلعت بسرعة أشوف مين الناس دي طلعت على البلكونة لقيت ناس كتير وعربيات كتير وستات، وقالوا لي افتحي عندنا حفلة وعندنا تنضيف، ابتديت أقول لهم هطلب البوليس لإنهم بدأوا يدفعوا البوابة، فجأة لقيت واحد اسمه محمد حسين كان بيشتغل مع جوزي زمان وبيقول إيه يا علا افتحي الباب وبيكلمني بطريقة حقيرة فقلت له اتكلم بأدب وأنا بطلب البوليس وبدأت أصرخ وفجأة لقيت ناس غريبة دخلت، فلقيت زوجي ومعاه الشخص دا وحاولوا يفتحوا البوابة علشان يدخلوا الناس وضربوا الخفر بتوعوا وبقيت أصرخ ومنهم واحد مسكني من الروب وبيحدفني زي الكورة، فجأة البيت كله دخله حوالي 20 شخص ستات ورجالة، أنا ساكنة في المريوطية، وبعدين مش ملاحقة الناس واقتحموا البيت".

الاعتداء على علا غانم
وأكملت: "الستات حاولوا يكتفوني وبعدين جريت على أمي، وجوزي اللي رافعة عليه قضية خلع، كانوا بيحاولوا يمكنوه من البيت والستات خدوا مني موبايلي وكتفوني وهو مسح الفيديوهات الخاصة بالكاميرات، البيت دا بيتي من سنة 99 من قبل ما أشوفه وأتجوزه، أمي اتضربت بالشوم قدامي من جوزي، وجاء البوليس بعد فترة واحنا كنا في الجنينة وهو جوا البيت، وحكيت لهم القصة كلها وبعد نص ساعة روحنا على قسم الشرطة وفجأة لقيت كل الناس اللي اتهجموا عليَّ مشيوا، ولما طلعنا على القسم قالوا لي انتى صاحبة الشوم دا فقلت له لأ دا هما اللي اقتحموا بيتي".

محضر علا غانم ضد زوجها
وأضافت علا غانم: "عملت محضر فيه وقالوا لي لو ما اتصالحتوش أنتِ وأمك هتقعدوا لتاني يوم، وهو بيقول إن بيتك كبير ممكن يعيش في جزء منه علشان زوجك، فقلت لهم ده مش زوج وأنا رافعة عليه قضية خلع، فرفضت التصالح وبعدين فتحوا التحقيق وفضلت في النيابة لحد تاني يوم الصبح، وأنا مروحة مشيت 10 متر من القسم لقيت اللي شغالين في البيت بيصرخوا وبيقولوا إن فيه ناس ملثمين اقتحموا البيت وخرجوهم منه وضربوهم، فرجعت تاني على القسم ونزلوا معايا قوة وهو كان جوا ومعاه ناس مسلحة وبيقول للناس اللي معاه ما حدش يضرب نار، أنا دلوقتِ مشكلتي مش البيت أنا خايفة علي نفسي وأمي، هو دلوقتِ في بيتي، وأنا في حتة تانية، هو احتل البيت مع الناس اللي رموا عليَّ مولوتوف، أنا رُحت لكل الناس والموضوع حاليًّا عند المحامي العام وأنا منتظرة الرد ومحكمة الأسرة كانت المفترض تحكم من شهر بس هو رد المحكمة، أنا بقى لي في القضاء من 2018 عايزة أنفصل عنه مش عارفة".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.