الإخوان على حق !

أنا معاكم.. معاكم حق.. وكل شىء حصل ليكوا معاكم فيه
ما تيجوا في مرة نتعاتب
ونقعد قعدة ودية
ونحسب فيها أخطاءكم وأسراركم ومصايبكم
وتبقى قاعدة شرعية
هنلقى إيه؟
هنلقى كدب باسم الدين
ونلقى ناس.. بتتمايل شمال ويمين
ونلقى جهاد واسمه نكاح
ونسوة قالوا شرعيين
خلاص خليتوا إسلامنا حاجات تافهة
وكل الناس بتتكلم وتحكى عليه
أنا معاكم.. معاكم حق.. وكل شىء حصل ليكوا معاكم فيه
أنا مسلم مش إخوان
بقوم اجرى على الجامع.. واصوم رمضان
ولا بعطل إشارة في يوم ولا شارع
ولا بمنع عيال بتصلى في الجامع
وصوتى لو في يوم يعلى؟
هيعلى وكلكم سامع
ما صوت الحق ويانا
وصوتكم ده.. سلامى إليه
أنا معاكم.. معاكم حق.. وكل شىء حصل ليكوا معاكم فيه
سؤال واحد هقولهلكم
جريتوا ليه وراء التكفير؟؟؟
وكفرتوا شباب مسلم
شباب فاهم وعنده ضمير
خلاص بانت نواياكم
وأصبحتوا ورا القضبان
وصوتنا جاى يمنعكم
من العيشة مع الشيطان
وكل يوم هيجمعنا
فهنسيبكم تموتوا فيه
أنا معاكم.. معاكم حق.. وكل شىء حصل ليكوا معاكم فيه
أنا واللهِ مش قابض
ولا حتى عطونى فلوس
أنا مصرى أنا مسلم
وأخويا مينا جابلى فانوس
وهينور في شارعنا
ولو جيتوا تأنسونا
فأحسن ليكوا تسبونا
وطنا ده عزيز جدًا
ولو هنموت بشرعية؟
ندافع عنه.. وهنحميه
أنا معاكم.. معاكم حق.. وكل شىء حصل ليكوا معاكم فيه
سلام شكرًا على اللعبة
وكل لعابكو مكشوفة
ولو جالكوا مدد تانى؟
فكل سككوا معروفة
ومش هيهمنا أبدًا
ما أصل الوحدة جمعانا
وانتوا لسه ما شفتوش
إديا في إيد شباب مسلم
عرف ربه عرف مولاه
ومش غايب عن الدنيا
وماشى وراكوا أو يوم تاه
وهنادى في مصر وكلها بلادى
وكلمة واحدة هنقولها
سو ا.......... الله
هيرحما ويرحمكم
وتنجوا من العذاب بردوا
ولو هتكملوا فتنة ؟
إلى جهنم فمثواكم
عذاب يامما فروحوا إليه