مفيدة شيحة تهاجم والدة وشقيق شيرين عبد الوهاب: عيب اللى عملتوه في بنتكم| فيديو

قالت الإعلامية مفيدة شيحة:"الفنانة شيرين عبد الوهاب تمر بأزمة نفسية وصحية، وألوم والدتها وشقيقها علي تصريحاتهم التليفزيونية وفضح أسرارها وظروفها الشخصية".
دعم شيرين عبد الوهاب
وتابعت خلال برنامج "الستات" المذاع علي قناة "النهار":"أناشد أهل شيرين.. لموها في حضنكم وهي مش محتاجة الناس القريبين منها انهم يطلعوا يتكلموا عليها، احتوائها مهم دلوقتي".
وأضافت:"أقول لأهل شيرين لو كنتم عايزين هذه الثروة اللى بتساعد في البيت وفاتحة بيوتكم تفضل شغالة وتستمر في عملها، وخطأ فادح من الأم أن تهاتف عمرو أديب علي الهواء وتبلغه بكل سلوكيات شيرين لأنها بنتك، والأخ هو الضهر والسند المفترض يحتوي اخته مش يطلع يتكلم عليها بشكل سلبي وسئ".

ضرر كبير علي شيرين عبد الوهاب
وأكملت:"أكبر ضرر وقع علي شيرين عبد الوهاب كان من أهلها لما فكروا انهم يبهدلوها علي السوشيال ميديا وعلي الشاشات، خلوها تخف وتتعالج وتهدأ نفسيا وتطلع أول البوم ليها وتنبسط وكلنا بنقع في الغلط وبنقع في ظروف نفسية صعبة".
عمرو أديب: شيرين عبد الوهاب بتضيع وممكن في أي لحظة تنتحر | فيديو
والدة شيرين باكية: بستنجد بالرئيس لحماية بنتي من حسام حبيب.. قعدت 3 أيام تتعاطى مخدرات
واستطردت:"أقول لشيرين عبد الوهاب كل واحد فينا بيمر بظروف وبنتينك أولى بيكي ومحتاجينك وجمهورك بيحبك ومستنيك تعملي أغاني أقوى من الأول، وأقول لوالدة شيرين واخوها عيب اللى عملتوه امبارح في بنتكم".
وبكت كريمة أبو زيد والدة الفنانة شيرين عبد الوهاب، على الهواء، حزنًا على حال ابنتها بسبب الظروف الصعبة التي تمر بها مؤخرًا ودخولها المستشفى.
استغاثة بالرئيس السيسي لإنقاذ شيرين
وتابعت خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "استنجد بالرئيس السيسي لحماية بنتي من حسام حبيب وسارة الطباخ، وقعدت 3 أيام بيشربوا مخدرات معاه".
إدمان المخدرات
ولفتت: "بسبب فقدانها الوعي نتيجة المخدرات طردتني من البيت وطردت أختها وقالت لنا يلا انتوا مش عارفين أنا مين، وهي مكنتش في حالتها، ولما قلت لها إحنا قاعدين علشان بناتك قالت لنا هما كمان برة".

علاج شيرين من الإدمان
وأكملت: "حسام حبيب ده بني آدم مش كويس وبهدل بنتي معاه، شيرين كانت اتعالجت من الإدمان قبل كده وشفيت ورجعت تاني للمخدرات لما رجعلها".