عمرو أديب: شيرين عبد الوهاب بتضيع وممكن في أي لحظة تنتحر | فيديو

قال الإعلامي عمرو أديب: "أنا رأيي إن شيرين عبد الوهاب ممكن في أي لحظة تنتحر وتنتهى، واللى يوصل للمرحلة اللى فيها وارد جدا نقوم في يوم منلقهاش، معرفش مين السبب وإيه اللى بيحصل إنما إحنا بنتكلم عن ثروة في مصر اسمها شيرين، وواضح أنه من كتر شد شيرين هتتقطع".

وضع صعب لشيرين عبد الوهاب
وتابع خلال برنامج "الحكاية" المذاع على قناة "إم بي سي مصر": "شيرين عبد الوهاب بتضيع يا جماعة إذا مكنتش ضاعت فعلًا".
حقيقة مرعبة لوضع شيرين عبد الوهاب
وأضاف: "كل المعلومات اللى بتقولها والدتها وأخوها لو حقيقية إحنا قدام حاجة مرعبة، وطبعا لو أخوها وداها المستشفى من 3 أيام لغاية دلوقتي يبقى فيه سبب، ومفيش مستشفى يقدر يحتجز حد إلا لما يكون فيه حاجة".

احتمالية إقبال شيرين على الانتحار
وأكمل: "شيرين عندها مشكلة فعلًا، فين النقابة؟ فين المحامين؟ لازم أكيد فيه جهة ما في البلد تقدر تفهم إيه الحكاية، لأن بجد شيرين مقبلة بالشكل ده على الانتحار".
والدة شيرين باكية: بستنجد بالرئيس لحماية بنتي من حسام حبيب.. قعدت 3 أيام تتعاطى مخدرات
شقيق شيرين عبد الوهاب: مضربتهاش.. وبتعاني من إدمان المخدرات بسبب حسام حبيب
وقال محمد عبد الوهاب، شقيق الفنانة شيرين عبد الوهاب: "حكاية شيرين عبد الوهاب معقدة خالص، وأنا دلوقت أختي بتتعرض لخطة سيئة من حسام حبيب وسارة الطباخ، وأختي بتنهار وبتضيع، وأنا لا ضربتها ولا اعتديت عليها".
وتابع خلال مداخلة هاتفية ببرنامج "الحكاية" الذي يقدمه الإعلامي: "حسام حبيب رجع لشيرين عبد الوهاب خلال الفترة الأخيرة وجابلها العربية بتوكيل وتنازلت عن القضايا وهو لم يتنازل عن ولا قضية وضحكوا عليها، وبعد كده رجعوا لبعض وبيتكملوا مع بعض على الواتس آب، وبعد كده شيرين كانت مأجرة شقة في التجمع وهي دي الشقة اللي أنا رحت أجيبها منها، وجيبتها لأنها كانت بتتعاطى مخدرات هي وحسام حبيب، والنيابة العامة تحقق مع المستشفى اللى شيرين بتتعالج فيه".
وأكد: "عندما ذهبت لشقة التجمع لم أعتدِ على شيرين عبد الوهاب، والمتخصصين في المستشفى هما اللى أخدوها من أجل العلاج الإلزامي، وهي بتتعاطى مخدرات منذ فترة وأمي عارفة الكلام ده".

تعاطي شيرين عبد الوهاب للمخدرات
ولفت: "دخلت شيرين عبد الوهاب المستشفى دخولًا إلزاميًّا لأنها تتعاطى المخدرات، وتقارير المستشفى أكدت تعاطيها المخدرات، وتخضع حاليًا للعلاج الإلزامي".

بكاء والدة شيرين عبد الوهاب
وأشار: "والدتي عيطت وقالت لي أنقذْ أختك من المخدرات، ولو رقبتي هتطير مش هخرج شيرين عبد الوهاب من المستشفى إلا لما تتعالج وتخف".

بكاء شقيق شيرين
ودخل في نوبة بكاء على الهواء، قائلًا: "لآخر يوم في عمري مش هسيب شيرين إلا لما تتعالج وأنقذها من عصابة الشر وترجع لفنها وولادها وحياتها الطبيعية".