سوسيكو.. توتيكو.. زفتيكو!

بنربي جيل جديد على اللي احنا اتربينا عليه وللأسف مش عارفين لأن الإعلانات على أيامنا كانت لبان بمبم وبسكوت بسكو مصر اللي ما فيش زيه اللي بيتعمل للعيد وغير كدة ما فيش وأصلا الإعلانات كانت للأطفال.. يعني هاتلنا ريري هاتلنا ريري أنا كنت بافتكره كرتون أصلا لحد لما كبرت وفهمت أن ريري ده أكل أصلا إيه.. ولا كان بيدخل بيتنا الحاجات دي
إنما توصل الدرجة أن يبقي فيه سوسيكو وتوتيكو وزفتيكو.. وايحاءات كده مالهاش أي دعوة بالادبيكو..؟؟
الحرية حلوة ما فيش كلام لكن لما العيال يسألوا معني الكلام ده إيه نرد نقولهم إيه ؟ ما كانش على أيامنا ؟ ولا أسأل الأستاذ في المدرسة ؟
إلى منتجي الإعلانات في مصر.. مش هاشتري منكم على فكرة إعلاناتكم جرحتني في ثقافتي وقللت مني أدام العالم الطفولي البريء
وإلى القنوات الفضائية.. يارب إعلانات المسلسل تخلص بقي!