حمو بيكا: رفعت قضية على هاني شاكر ونقابة الموسيقيين بسبب منعي من الغناء

قال مؤدى المهرجانات حمو بيكا: "رفعت قضية على الفنان هاني شاكر ونقابة المهن الموسيقيية بسبب إبعادي عن الغناء".

دعوى قضائية
وأضاف خلال لقائه ببرنامج "كلام الناس" المذاع علي قناة "ام بي سي مصر": " لو مكسبتش القضية اللي رفعتها علي نقابة الموسيقيين هكون وصلت صوتي للناس لأني اتظلمت".

أموال حمو بيكا
وتابع: "كانوا بيحصلوا مني في الحفلة الواحدة 15 الف جنيه ومباخدش وصل بالفلوس اللى دفعتها في نقابة الموسيقيين".
حمو بيكا: عايز ادخل نقابة الموسيقيين بجمهوري مش بصوتى
حمو بيكا يهدد نقابة الموسيقيين: "إنتوا ظلمة.. وهوصل صوتي لمجلس النواب" | فيديو

وكان المطرب الشعبي عبد الباسط حمودة قال: "أنا بحب حمو بيكا علشان هو إنسان طيب بس هو يديني ودنه ونفسه شهر وأنا هخليه يعرف يغني ويبقى كويس جدًّا ويعرف هو بيقول إيه".

دعم حمو بيكا
وتابع خلال مداخلة هاتفية ببرنامج "مصر جديدة" المذاع على قناة "إي تي سي": "هعلم حمو بيكا من قلبي وهعرفه إزاي يغني ويجيب طبقته وعلشان هو إنسان عنده طموح وعايز ياكل عيش احنا لازم ناخد بإيده".

تلامذة عبد الباسط حمودة
ولفت: "أحمد شيبة واخد مني وطارق الشيخ ومحمود الليثي ودنيا سمير غانم ونيكول سابا كلهم واخدين مني".
تعليم حمو بيكا الغناء
وتابع: "أقسم بالله هعلم حمو بيكا الغنا وهخليه مطرب في شهر وكأنه بيغني بقاله 30 سنة وهعلمه المقامات بس هو يديني ودنه بس هو بعيد، أنا لما بتصل بيه بلاقي تليفونه مقفول، هو ناقصه علم النغم".

وقال مؤدي المهرجانات حمو بيكا: "فيه ناس في نقابة المهن الموسيقية بتبعتني أفراح بدون أجر وكنت بقول حاضر ونعم وأنا حاسس بالظلم".

الغناء بدون أجر
وأضاف خلال لقائه ببرنامج "مصر جديدة" المذاع على قناة "إي تي سي": "كنت بخاف أرفض طلبات بتوع النقابة في الغناء بدون أجر ليوقفوني وما أشتغلش تاني".

ظلم حمو بيكا
وتابع: "النقابة بتبعتني أفراح بدون ما آخد أي فلوس وابقى طالع من الفرح اللي تبعهم وأطلب منهم أروح فرح خاص يقولوا لي لأ وعمرى ما شفت أكتر من كده ظلم".