حمو بيكا: فيه مسؤولين بنقابة الموسيقيين بيبعتوني أفراح تبعهم بدون أجر | فيديو

قال مؤدي المهرجانات حمو بيكا: "فيه ناس في نقابة المهن الموسيقية بتبعتني أفراح بدون أجر وكنت بقول حاضر ونعم وأنا حاسس بالظلم".

الغناء بدون أجر
وأضاف خلال لقائه ببرنامج "مصر جديدة" المذاع على قناة "إي تي سي": "كنت بخاف أرفض طلبات بتوع النقابة في الغناء بدون أجر ليوقفوني وما أشتغلش تاني".

ظلم حمو بيكا
وتابع: "النقابة بتبعتني أفراح بدون ما آخد أي فلوس وابقى طالع من الفرح اللي تبعهم وأطلب منهم أروح فرح خاص يقولوا لي لأ وعمرى ما شفت أكتر من كده ظلم".
رسالة لنقابة الموسيقيين
وأكمل: "بقول ل نقابة الموسيقيين أنا بقالي 5 سنين قاطعين لقمة عيشي وأنا كل شغلي برة مصر ومعنديش أي شغل في بلدي، أنتوا بتستخدموا السلطة غلط وبقولهم ربنا كبير وحرام عليكم".
عبد الباسط حمودة: أقسم بالله هعلم حمو بيكا الغنا في شهر | فيديو
هيفاء وهبي توجه نصيحة لحمو بيكا.. ومؤدي المهرجانات: قطعوا لقمة عيشي
ونشر مؤدي المهرجانات حمو بيكا، مقطع فيديو جديد له مع المدرب الموسيقي محمد عبد الستار أثناء تدريبه استعدادًا لاختبارات نقابة المهن الموسيقية.

ونشر حمو بيكا مقطع فيديو خلال التدريبات مع المدرب الموسيقي محمد عبد الستار، عبر صفحته الرسمية بموقع التواصل الاجتماعي "فيس بوك" معلقًا: "أثناء تدريبي مع الدكتور محمد عبد الستار يا مسهل تدريبات لاختبارات النقابة ادعو لي".

وفي السياق ذاته كان بيكا قد وجَّه رسالة لنقيب المهن الموسيقية والفنان هاني شاكر، متمنيًا الرجوع لغناء المهرجانات الشعبية مرة أخرى، وقال: "أنا نفسي أشتغل يغيَّروا اسمي بقى ولا يعملوا اللي عايزينه براحتهم، أنا فيه ناس فاتحة بيوت من ورا مني، أنا لو لوحدي مش هيفرق معايا إنما أنا اللي يهمني الناس اللي معايا".
وتابع بيكا خلال مداخلة هاتفية في برنامج كلام الناس، مع الإعلامية ياسمين عز، عبر شاشة MBC مصر: "أنا فاتح 3 مطاعم وكافيه ومشغل ناس تاني برضه، وأنا مصدر رزق للناس دي، والمطاعم ماكسبتش منها حاجة وبطلع المرتب من جيبي للموظفين".

وأعرب حمو بيكا عن حزنه، واستيائه من حصول زملائه من مطربي المهرجانات على كارنيهات باستثنائه حسب ما وصف؛ إذ قال: "كل مطربين المهرجانات الشعبية أخدوا تصريح من نقابة المهن الموسيقية وكارنيه، ومفيش غيري ممنوع من الغناء لحد دلوقتي، وكان المفروض الامتحان بتاعي مع نقابة المهن الموسيقية اللجنة اللي فاتت، وروحت ورفضوا يدخلوني عشان أمتحن".