"إخوان كاذبون" يفضح أكاذيب الجماعة.. مصطفى: بعد فشل الانشقاق انزل بفيلم قتل المتظاهرين.. هيثم: حسبنا الله ونعم الوكيل.. سلمى: شعبيتكم بتقل يومًا بعد يوم

"إخوان كاذبون" هاشتاج دشنه النشطاء يكشفون فيه مدى كذب الجماعة وخاصة بعد الزج بالجيش المصري في قتل المصريين بالحرس الجمهوري، النشطاء أكدوا أن الإخوان لبسوا عباءة الإسلام لمطامح شخصية، وأن شعبيتهم تقل يومًا بعد يوم.
مصطفى محمود: "متخيل كمية الفتنة اللي بتعملها لما تنزل صور أطفال من سوريا مقتولة وتقول إنهم اتقتلوا من الجيش المصري والصورة تاخد 3000 شير؟!.. بعد فشل فيلم الانشقاق عن الجيش انزل يا ابنى بفيلم قتل المتظاهرين* الساجدين* !! #إخوان كاذبون".
هاني البنا: "لو انت قاعد في مدرجات كارهي الإخوان حتشوف هجوم إرهابي على الجيش الباسل قام برده والقضاء على الإرهابيين القتلة وهتسميهم".
هيثم سعيد: "حسبنا الله ونعم الوكيل في كل من يرتدي عباءة الإسلام ويتحدث باسمه لمطامع شخصية سياسية".
سلمي شرف: "شعبيتكم بتقل يوم بعد يوم ولسه في إصرار على الغباء".
عبد الله الحلواني: "فاكرين مين أول ناس قعدوا مع عمر سليمان وكان لسه دم شهدائنا سايل على الأسفلت وهم أول من تاجروا بدم الشهداء افتكروا.. فاكرين ال16 جندي اللي اتغدر بيهم وهما صايمين علشان رئيسهم يتخلص من طنطاوي وعنان افتكروا".
هشام السيد: "الإخوان يشعلون فتيل الفتنة ثم يتوجهون إلى العالم الغربي ليستعينوا به على جيش مصر وأقول لكم أنتم واهمون".
فرح خيري: "جبتوا صور الأطفال اللي ماتوا في سوريا على أنهم ماتوا في مصر والناس كشفتكوا وبقى شكلكوا وحش.. قول لي بقى أنك رحت وغامرت بحياتك عشان تجيب طلقات الرصاص من تحت رجل الجيش وتتصور بيها، ما شاء الله.. الشهادة لله فلحت، ربنا يشفي".
آلاء الشافعي: "يا أخى ملعون أبو السلطة على الكرسى اللى تخلى حد يبيح في الدم كده".
ChristineJGM: "ماحنا لو مشينا بنفس المنطق بتاع الإخوان يبقى إيه اللي وداهم هناك أصلا".
سلمى حمدي: "دول خطفوا جنديين وأجبروهم يهتفوا للإمام مرسي ويصوروهم عشان يقولوا بعد كده إنهم مش معانا!!!".
رضوى فتحي: "لو اللي حصل عند الحرس الجمهوري جريمة تستلزم استقالة الرئيس يبقى اللي حصل عند الاتحادية من كام شهر يستلزم إيه؟ صينية بسبوسة؟".
رحاب سعد: "هو دم الناس اللى ماتوا في إسكندرية والمنيل كان تمر هندى علشان دى تبقى مذابح!".
عمرو بقلي: "الإخوان في 45 دقيقة رفعوا عدد الضحايا من 16 ل40.. لو رجالة طلعوا فوارغ الرصاص وأنا أول واحد يساندكم!".
سارة عادل: "هما مش بيقولوا ضربوهم وهم بيصلوا وده محصلش يبقى خلاص إللى ضربهم وهما بيصلوا هو إللى موت ضباط الجيش في رمضان وهما صائمين".
سارة إيهاب: "دم الخرفان النجس كله مش هيعوضنا عن نقطة دم من محمد فرج اللي كان ماشى فى حاله ودلوقتى في المستشفى".
هشام عاشور: "الدفاع عن الطاغية أو سفك الدماء من أجل الوصول للسلطة ليس استشهادًا في سبيل الله".
سلمى عيسي: "المتحدث العسكري: زميل لي أصيب بطلق ناري من أعلى اخترق رأسه وخرج من أسفل ذقنه.. حسبى الله ونعم الوكيل فيكم".
عمر الشرقاوي: "ضحكوا على شهداء الألتراس ومحمد محمود.. دلوقتي أحب أقولكوا إن الدنيا دوارة ومن يضحك أخيرا يضحك كثيرا".
OmarShaw2y: "من يؤيد مرسي وجماعة الإخوان حتى الآن فهو مغيب تماما.. فلا تهدر وقتك في الجدال معه".
وقال حازم فريد: "التاريخ لن يرحم ولن ينسى.. وهذا الشعب والله لن يسامح ولو بعد حين #إخوان كاذبون".