القصة الكاملة لأزمة حمو بيكا مع عصام كاريكا بسبب سرقة الألحان

أزمة جديدة طرفها مؤدي المهرجانات حمو بيكا وهذه المرة مع الفنان عصام كاريكا، والذي اتهمه بسرقة لحنين من ألحانه، ليعود بذلك حمو بيكا إلى مسلسل أزماته والتي كان آخرها مع مطرب المهرجانات عمر كمال.
أزمة حمو بيكا وعصام كاريكا خرجت للنور من خلال قناة الحدث اليوم، والتي استضافت أمس الجمعة مطرب المهرجانات حمو بيكا، كما تواصلت مع عصام كاريكا من خلال مداخلة هاتفية.
عصام كاريكا يتهم حمو بيكا بسرقة ألحانه
البداية كانت حينما اتهم الفنان عصام كاريكا مؤدي المهرجانات حمو بيكا بسرقة لحنين من ألحانه الأول لحن أغنية "البسكلتة" للفنان محمد سعد ولحن أغنية "بوم بوحة".
وقال "كاريكا" في مداخلة هاتفية عبر شاشة "الحدث اليوم": "اكتشفت أن حمو بيكا سارق لحنين من بتوعي واحدة بتاعت أغنية "البسكلتة" اللي كنت عاملها للفنان محمد سعد، وتعدي فترة والاقيه واخد لحن أغنيتي التانية "بوحة بوم" وبعدها تواصلت معاه وقالي "هشوف".
رد بيكا على اتهامات كاريكا
و رد مطرب المهرجانات حمو بيكا على عصام كاريكا وذلك أثناء استضافته في برنامج "الوسط الفني" على الهواء قائلا: "أنا كلمت شركة مزيكا وقالت لي الألحان دي بتاعتهم والحقوق الملكية خاصة بيهم، أنا أخدت اللحن من أخويا الكبير ولو عايزني أشيله من "اليوتيوب" اعتبرها مش موجودة.
محمد شاهين يهاجم حمو بيكا
يذكر أن المطرب محمد شاهين هاجم مؤخرًا مطرب المهرجانات حمو بيكا، بعد أن طرح الأخير لأغنية تجمعهما بعنوان "قلبي شايل وجع"، دون علمه، حيث قال: "أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة.. من فترة كلمني حمو بيكا في التليفون رحت وسجلنا تراك، وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف".
وتابع شاهين: "كلمت حمو بيكا قلت له إزاي قال لي أنا هانزل في العيد 6 أغاني.. باكلمه في حقوق الأغنية أقل حاجة في حقي، يرد يقول لي: (أنا هاخد الحقوق كلها)، على أساس أن النجم المحترم هايعرفني بالناس.. على أساس أن النجم المحترم أنا شغال عنده.. رديت قلت له: الكلام ده مش هاينفع، وقفلت معاه.. بعدها بعت لمصمم البوستر، وقال لي أن الأغنية مش هاتنزل.. أتفاجئ النهاردة بنزولها بدون علمي على أساس إيه"؟!
واختتم المطرب الشاب محمد شاهين كلامه متوعدًا حمو بيكا، وقال: "أنا هاعرف أجيب حقي كويس بالقانون".