رجب بكار زملكاوي الموسم المقبل

أنهى نادي الزمالك اتفاقه مع رجب بكار لاعب نادي بيراميدز والمعار لصفوف سيراميكا هذا الموسم للحصول على خدماته الموسم القادم على أن يكون سيراميكا ترانزيت لانهاء تلك الصفقة.
سيراميكا ترانزيت الزمالك
واتفق مسؤولو الزمالك مع سيراميكا علي تفعيل الاخير بند شراء رجب بكار من بيراميدز حيث تمت استعارته مع احقية تفعيل بند الشراء لاسيما مع موافقة اللاعب الانتقال للابيض.
علاقة بكار ببيراميدز
وقرر بكار عدم العودة مرة اخري للفريق السماوي الموسم القادم، لاسيما ان عقده يتضمن وجود بند يسمح لنادي سيراميكا بشراءه عقب نهاية الإعارة.
رجب بكار وأزمة المهدي سليمان
وتوترت علاقة بكار مع نادي بيراميدز منذ الموسم الماضي بسبب جلوسه احتياطيا وزاد التوتر الموسم الحالي بعد تدخلة بازمة المهدي سليمان حارس مع ادارة ناديه بيراميدز.
ونشر بكار، عبر حسابه الشخصي بموقع فيس بوك: "مش من العادة إني اتكلم في حاجه ما تخصنيش ولكن هنا لازم أقول كلمة حق لأني مريت بالي بيعيشه واحد من أحسن الحراس في مصر وهو المهدي سليمان".
وتابع رجب بكار: "هنا أقول للمدير الفني أنك كذاب وبتأخد أوامر.. مش تعليمات عشان خايف على أكل عيشك زي اللي قبلك في وجود هذه الإدارة واللي اتصدمت في أشخاص ليها باع وتاريخ في مصر ولكن للأسف برضه بتاخد تعليمات.. الأهم والمهم مهدي سليمان عنده حق في كل اللي قالوا وده مش دفاع والله عنه ولا اصطياد مني أنا ليا وقت وهقول كل اللي حصل لأني مينفعش منظومة بالحجم ده تُدار بالسوء ده".
وأضاف: "وللعلم الأغلب في الفرقة لعيبة كبيرة وعارفة الدنيا ماشية إزاي بس للأسف المُلاك في النادي مش فاهمين.. ولا حد مننا عارف يتواصل معاهم عشان الكل يطلع اللي عنده لأني فيه كبت عند ناس كتيرة موجوده في المنظومة دي؟.. وعمرو مرعي عنده أكتر مني بكتير وناس كتير تنصحني وتقولي لا وده أنا مقدرهم لخوفهم عليا ولكن كلمة الحق ومساندة صديق ليا أهم بكتير من أي حاجة عندي وربنا يعلم ما في القلوب".
قرار الرحيل من بيراميدز
وكان تعقيب بكار علي أزمة المهدي بانها الشرارة التي قطعت كل الخيوط بين بكار وبيراميدز حيث اتخذ اللاعب قرار عدم العودة كما ان ادارة النادي ايضا اتخذت قرارا حاسما بشان اللاعب بعد معاداته لهم خلال السوشال ميديا.
يذكر أن رجب بكار، كان ضمن ترشيحات الأهلي والزمالك خلال السنوات الماضية، ومن الأسماء المرشحة للتواجد في صفوف منتخب مصر.