بوسى عن أزمة والدها: طلق أمى وهي حامل فيا ..واشتغلت وأنا طفلة | فيديو

علقت المطربة الشعبية بوسي علي أزمة والدها الذي صرح بأنها تخلت عنه في ظل ظروفه الصحية الصعبة، قائلة:"جوايا نار بس مش هعرف أنطق ..الضربة جاتلي من اقرب الناس ليا".
وأضافت خلال لقائها ببرنامج "معكم" الذي تقدمه الإعلامية مني الشاذلي بقناة "سي بي سي"أن هجوم والدها عليها وسيلة من اعدائها لشن حرب عليها بشكل مختلف، متابعة:"أنا لو انسانة عاقة لوالدها مكنتش انزل اشتغل وانا عندي 15 سنة علشان اشيل الحمل من على أمي، ابويا طلق أمي وهي حامل فيا في شهرين".
وتابعت:"قبلها بيومين أبويا كلمني وبعتله فلوس وكنت لسه هابعتله تاني وفوجئت انه هو بيقول عليا كده..كنت فين لما كنت في عز المشاكل وكنت مستنيه حد من أهلي يقف معايا ويحسسني ان ليا ضهر وسند".
وأكدت:"اتولدت وطلعت الدنيا لقيت أمي هي كل حاجه واخوالي هما اللى ربوني وأبويا معرفش عنه حاجه وكنت بشوفه بالصدفة في الشارع لما كبرت ومكنتش بعرف أقوله يا بابا، وأمي ممنعتنيش عنه هو اللى تخلى عني وعن اخواتي من زوجته الثانية، ولم يقف في تجهيز أي واحدة من اخواتي، وعندي أخ لو شوفته في الشارع معرفهوش، أبويا اتجوز كتير جدًا".
وأكملت:"مكنش بيسعي انه عايز يشوفنا ومحستش نحايته احساس الأبوة، وأمي من ساعة ما اتولدت كانت الأب والأم، وكنت بقول لأخوالي يا بابا علشان هما اللى ربوني، وبرغم جفاء الأب مقصرتش معاه وكنت ببعت مع ناس فلوس له".
وأشارت إلي أن والدتها توفت وهي عمرها 17 عامًا ولم تجد والدها يقف بجانبها ولم يقدم حتي واجب العزاء فيها، معقبة:"فيه ناس كتير تشهد علي كده..ابويا اللى اضطرني اكشف الأسرار دي لأن وجدت ناس بتشتم فيا وتقول انى عاقة لأبويا وده عكس الحقيقة".