"أنا كرهت السياسة" هاشتاج دشنه المصريون للتعبير عن مدى إحباطهم..retwee: بطلت أكل كوسة.. علي: نازل يوم 30-6.. أم خالد: بقيت أشد السيفون بعد كل خطاب.. يحيى: أديت "مرسي" بلوك

"أنا كرهت السياسة" هاشتاج دشنه المصريون للتعبير عن مدى إحباطهم مما يحدث في أروقة السياسة، وبالرغم من ذلك الضيق والإحباط إلا أن الكثير منهم رفض عدم النزول للدفاع عن مستقبل مصر وكرامة المصريين، في حين فضل آخرون متابعة أفلام الكارتون وقنوات الأطفال عن متابعة البرامج السياسية.
قالت شيمو فوزي "أنا كرهت السياسة لدرجة كلنا كرهنا السياسة بس احنا هنكره نفسنا أكتر لو منزلناش ندافع على وطنا ومستقبل البلد اللي بيضيع وكرمتنا اللي بتتهان".
وقال علي فؤاد" أنا كرهت السياسة لدرجة أنى نازل 6/30"
وقال retweetrue " أنا كرهت السياسة لدرجة أني بطلت أكل كوسة !!"
وقالت أم خالد "أنا كرهت السياسة لدرجة أني بقيت أشد السيفون بعد كل خطاب ومؤتمر واجتماع طارئ وعاجل ومغلق وووو"
وقال يحيى "أنا كرهت السياسة لدرجة أني أديت مرسي بلوك "
وقالت وسام كمرا" أنا كرهت السياسة لدرجة اني مبتفرجش على التليفزيون"
وقالت أميرة فؤاد" أنا كرهت السياسة لدرجة انى بتفرج عليها أكتر من الأول عشان اضحك"
وقال Samerloition " أنا كرهت السياسة لدرجة أني بقيت اتفرج على فيلم هندي"
وقالت زهراء منصور" أنا كرهت السياسة لدرجة إنى أعدت اتكلم فيها لغاية ما الايميل اتسرق الحمد لله"
وقال محمود حمو " أنا كرهت السياسة لدرجة اني والله العظيم بقيت اتفرج ع طيور بيبي مع بنت أختي ومافكرش ف أي قناة توك شوو".
وقال صاحب البهجة " أنا كرهت السياسة لدرجة انى مبردش على أي حد يكلمنى في سياسة"
وقال عمر ياسر " أنا كرهت السياسة لدرجة اني بقرأ "ميكي" أول ما الناس تبدأ تتكلم في السياسة."
وقالت نورا محمد " أنا كرهت السياسة لدرجة انى بتفرج على MBC3 طول اليوم"
وقالت نادين ناصف" أنا كرهت السياسة لدرجة أنى فاتحة CBC سفرة طول النهار ومستحملة غتاتة مكالمات الشيف الشربينى"
وقالت مني ممدوح" أنا كرهت السياسة لدرجة أنى كرهت الدنيا كلها بسببها.. بس برجع وأقول لنفسى اليأس خيانة"
وقالت إسراء أحمد" أنا كرهت السياسة لدرجة أني بقيت ضد كل الأطراف.. وبطلت افتح التليفزيون !"
وقالت نيرمين المغربي " أنا كرهت السياسة لدرجة اني بطلت اثق في حد كل واحد ليه مليون رأي ومليون اتجاه كلنا اتشتتنا تفرقنا معدناش بنثق في عالم دين حق ولا بنميز بين صح وغلط"
وقال عاطف عبد الرحمن" أنا كرهت السياسة لدرجة.. ممكن تكره العمل السياسي، لكن إوعى تسيب بلدك تضيع.. أوعى تكره مصر"
وقالت سما خالد" أنا كرهت السياسة لدرجة أني بتفرج على ارب ايدول وفتافيت طول النهار واحيانا animation movies هربا من البرامج السياسية"
وقال أحمد مدكور" أنا كرهت السياسة لدرجة إني بقيت اتفرج على أفلام ومسلسلات انمي أكتر من أخويا الصغير، عشان ابعد عن القرف اللي بقينا فيه."
دينا مجدي قالت " أنا كرهت السياسة لدرجة أني بقيت فاتحة قناة كوكي 24 ساعة!"