في غمضة عين تصحى تلاقي اللي كانوا شمال بقوا يمين.. يعني الشعب يا دوب بيحاول يهضم صدمة حضور قتلة السادات في الاحتفالات بنصر أكتوبر اللي هما قبل كدة قلبوها دم.. يقوم يا عيني يعملهم صدمة حضارية تانية بأن الشخص اللي كان أحد المسئولين عن توقف السياحة في مصر كام سنة كدة وخسارتها فلوس اده هو وجماعته يمسك البلد اللي فيها ربع آثار العالم.. يعني بلغته هو ربع أصنام العالم.. وده بقي جاي يعمل تطهير برضه زي اسم النبي حارسه وزير الثقافة والمفهومية؟ ولا جاي يعمل في الآثار زي ما عملوا في فيلم فجر الإسلام.. وطلعت بعد كدة سليمة؟! هو ليه انا حاسة أن احنا رجعنا للسبيعنات حيث الأفلام بقت هابطة أوي واللغة ركيكة وكمان شوية هيطلع علينا خطاب رئيسي يقول "يا عزيزي كلنا إخوان". وبعدين تيجي مذيعة تقوله هو صحيح حضرتك قلت على الآثار أصنام ؟! يرد وكله شجاعة وثقة.. أنا ما جبتش سيرة " الأصنام " دي أصلا.. طب إيه رأيك بقي أنك تجيب في سيرة حد أصلا حرام.. اشرب من النيل قبل ما يجف!!