أبين زين

راح تعمل أيه في الثقافة.. كلهم ثايرين.. علي كل ما قد جري منك وله رافضين.. إيه اللي بينك وبينهم.. انت رايح فين؟.. هي البلد ناقصة تاني خلاف.. بلاش تفانين.. وفين رئيس الوزارة.. ومين يحاسب مين.. لما المثقف وصاحب فكر له رافض ويبقي إنت جاي مره واحدة تِسكَّت الفاهمين.. مش هُمَّ دُول اللي ثاروا وغيروا الموازين.. وُمَّ دُول اللي رفضوا كلمة الظالمين.. وللا مابين يوم وليلة أصبحوا خاينين.. ما تفهمونا الحكاية إن كُنامش فاهمين.. ثقافة يعني عقول ناضجة لناس عارفين.. ضحوا في سبيل فِكْرهم.. قاوموا سنين وسنين.. م المستحيل يقبلوا يقعوا في يوم بكمين.. فقول لهم إنت مين؟.. وهم فين رايحين... واسمع وحاول وفكَّر.. في البلد قوانين.. مش كل واحد حييجي يقول لنا آمين.. فيه مشكلة وللا ودعي ورملي مش صادقين.. ياوزير ثقافتنا مش بالعافية تبقي متين.. ولا بالتحدي لمثقف وأهل الفن والتفانين.. تعمل ثقافة ومن تهز به ملايين.. بالذمة أيه رأيكم في اللي الودع قاله.. يا مثقفين البلد في وزير ثقافة متين!!