أبين زين

يا مجلس الشورى قول لي.. انت رايح فين.. هو قانون القضاء دايما عليه العين.. واشمعنى يعني القانون هذا اللي فيه تفانين.. ما تقول لي ليه القضاة رافضينه ومعارضين.. يعني ما فيش غير قانونهم بس في القوانين.. هو اللي محتاج بسرعة تنفذوه في يومين.. الرمل بيقول وودعي إن فيه تفانين.. والمسألة عايزة حكمة.. بس حنروح فين.. والمشكلة في القضاء.. بيفسر القوانين.. لأنها شُغلهم وبقلبها عايشين.. يا مجلس الشورى سيبنا في حالنا مش ناقصين.. مافيه قوانين كتيرة عنها ليه تايهين شوفوا البلد رايحة فين.. وانتم لفين رايحين.. يعني مشاكلنا خُلْصت كلها وقاعدين.. تقلبوا في اللي يتبعكم شمال ويمين.. يا إخوانا مش ناقصة شوفوا مشاكل الملايين.. وريحونا بقي فيه ناس كتير ساكتين.. عايزين تِحِلُّوا الأمور بالحكمة أو باللين.. مش انت مجلسنا برضه؟! واللي منتخبين.. لهم مطالب كتيرة كل يوم واقفين.. بيطالبوا برغيف يِشَبَّعْ معدة الجعانين.. واللي بيطلب علاج واللي عليه الدين.. يعني هناك ميت قانون في الصف منتظرين.. وهو مافيش غير قانون العدل ياشوريين.. ما تفهمونا بقي أصل إحنا مش فاهمين.. وبلاش نعيش في مشاكل.. بعد غُلب سنين.. وأنا في انتظار ردكم.. أعضاء شورتنا الزين.