يوميات فاهم وفهيمة (26)يوم 30 عيد البمب الإخواني

فاهم:بتعملي ايه خير ايه البمب ده كله هو بكرة العيد ولا ايه.
فهيمة:لا يا حبيبي اليوم المر جاي عشان تعرفوا أن احنا مش لقمة طرية ده انتم هتشوفو يوم اسود.
فاهم:يانهارك اسود هي حصلت بمب وافرضي أن بمبة جات في عيني اعمل ايه فيك افقع عينك.
فهيمة:ومين قال لك تنزل خليك في البيت وارحم نفسك من البمب وزي بقية الشارع كله قاعدين في البيوت.
فاهم ضاحكا: وبعدين بمب ايه احنا نازلين مظاهرة عيال والرجاله كلهم نازلين عشان تعرفوا أن الشعب كله كارهكم ومش طا يق يبص في وشكم...
فهيمة:لايا حبيبي البداية بمب عشان تعرفوا انها سلمية واللي ينزل هو حر يتحمل البمب واللي بعده.
فاهم:فعلا شر البلية ما يضحك طب سيبوا الموضوع وكفاية كده جربتم الشعب والشعب اتخنق منكم ومش طايق يسمع صوتكم وكل ما يشوف الريس يرفع ايديه ويقول.يارب ياريس مايحرمك من المرشد ولا الشاطر ولا البلتاجي ولا البرنس ولا قنديل ولا من أي واحد يعجل بنهايتك قادر يا كريم.
فهيمة:الدعا كتير ياروحي المهم القبول.
فاهم:والله انا حاسس أن ربك استجاب دعوة
"المطاهر والخروج على المعاش" وهتبقي فضيحة بجلاجل وربنا يجعلها قريبة.
فهيمة:يابني احنا طول النهار في الجامع بندعي عليكم اللهم فرق شملهم وشتت أفكارهم وقطع موبايلتهم
وعطل اسانسيراتهم وبوظ فيسهم وعطل تويترهم
فاهم:يانهار اسود حتي تويتر طب ما نخليها مظاهرة الدعوات ونحن كمان ندعي عليكم
اللهم افضحهم واكسفهم وفرج عليهم العالم.
اللهم ما اجعلهم مسخرة العيال الصغيرة.
واللهم وقع دقونهم بيض شعرهم واقطع عنهم الكهرباء والغاز والمية آمين يارب
فهيمة ضاحكة:حبيبي ولايهمك قول يارب بس
أنا بحذرك اوعى تنزل يوم 30 هيكون اليوم المر
وهتدفع التمن غالي.
فكر بدل ما تخسر عينك ومرسي هيفضل هيفضل غصب عنكم عشان ده محجب بحجاب المرشد.
فاهم:يصرخ حسبي الله ونعم الوكيل في اللي عايزين يفرقوا المصريين قولو آمين