"احنا اللى هندافع عن شرعية الرئيس" تتوعد متظاهرى 30 يونيو..18 ألف عضو فى 12 يومًا كلهم مشروع شهادة لإعلاء دولة النبوة.. عبدالعال: الإسلاميون قوة لا يستهان بها ولن تقبل ب "لى" ذراعها

دشن نشطاء الإخوان وأنصار التيار الإسلامي، صفحة جديدة على موقع التواصل الاجتماعى باسم "حملة احنا اللي هندافع عن شرعية الرئيس مرسى يوم 30 يونيو"، انضم لها نحو 18 ألف عضو خلال 12 يوما فقط، وبدأت بمناسبة اجتماعية وهى في انتظاركم يوم 30 يونيو.
جاء على هذه الصفحة: من أراد أن تثكله أمه وييتم ولده وترمل زوجته فليلقنا عند هذا القصر.
وأيضا: لتكن ثورة إسلامية كبرى تقتلع كل أصول الفساد من مصر وتطيح بكل المفسدين... لنمكن ثم لنتمكن وتكون خلافة على منهاج النبوة" بإذن الله... ننتظر كل المفسدين بشغف، 30-6 موعدنا... مشاريع شهاده في انتظاركم.
تابعت: بس خد بالك يا عم الثورجى اللى نازل يوم 30 وناوى ع عنف ومتحمى بالفلول الفلول مع أول طوبة جبناء حيهربوا وانت كالعادة اللى هتشيل الجلاشة والمرة دى هتبقى جلاشة وبقلاوة كمان والحرس الجمهورى حفظه الله هيخلص فيكم كل أنواع الحلويات لو حلمتوا بالعنف.
وأشارت إلى أن يوم 30-6.. هيبقى عندنا جهاد زى اللى في سوريا.. وهيبقى عندنا شهداء زى اللى في بورما.. وهيبقى عندنا عزة وكرامة زى اللى في غزة.. وهبقى عندنا دولة إسلامية زى اللى بعد فتح مكة.. إن شاء الله..
هذا بخلاف التهديدات الصريحة والمباشرة التي نشرها أنصار الجماعة والتيار الإسلامي، فعلي صفحته قال الدكتور يونس مخيون رئيس حزب النور: شرعية الرئيس محمد مرسي «خط أحمر» وسترون ردود أفعال أبناء الدعوة السلفية إن تمت مجاوزة هذا الخط وتخلت الداخلية عن دورها كما هو متوقّع.
الإعلامى نور الدين حافظ الشهير ب "خميس" قال: 30 يونيو..... ثم تكون خلافة على منهاج النبوة.
Adel Mohmed: كل التيارات الإسلامية هتنزل علشان زهقنا من الأشكال الوسخة بتاع الحمير وهنعلهم الأدب الواحد منهم يفكر ألف مرة قبل ما يعمل أي حاجة ونهاية للأفلام الهندى بتاعتهم.
أحمد المغير: بعد حالات التبول والإسهال اللاإرادي اللي حصلت داخل تحالف الانقلابيين من التجهيزات وبدأ عدد كبير منهم في التفاوض عشان ينجوا بحاله الإعلام بيقول إننا مرعوبين من 30 يونيو !! ههههههه يا اهبل منك له ده احنا بنعدي الأيام والليالي عشان اليوم ده يجيى، النصيحة المخلصة اللي تقدموها لبلطجيتكم المرعوبين هي إنهم يقولوا "هوب" عشان الدمعة "تفط" !!! موعدنا 30-6
وفي منشور آخر: مطلوب أطباء نفسيين متطوعين لعلاج حالات الصدمة اللي هتحصل لشباب تمرد بعد الفشل الذريع اللي هيحصل يوم 30 إن شاء الله وهيتم الإعلان عن خط ساخن لاستقبال اتصالات الشباب دول لاننا مهتمين فعلا بإعادة تأهيلهم عشان يكسبهم الوطن ويصبحوا مواطنين منتجين.
وفى منشور ثالث: هوا الفيس ماله نايم كده؟ طيب الانقلابيين وعارفين إنهم في الحمام بسبب الإسهال اللي عندهم من يوم 30 طب وباقي الشعب فين؟
ويعلق على هذه المنشورات التي تدعو للعنف والحرب الأهلية يقول على عبدالعال الباحث في الجماعات الإسلامية ورئيس تحرير موقع "إسلاميون"، قائلا: كل المعطيات والإحصائيات تؤكد قوة التيار الإسلامي في مصر ووزنه التصويتي في الانتخابات، مؤكدا أنها ترفض لى ذراعها أو إرغامها على إسقاط شرعية رئيسها المنتخب.
أضاف عبدالعال في تصريحات ل"فيتو": التيار الإسلامي وصل للحكم عن طريق انتخابات نزيهة وشفافة، ولن يقبل بإسقاط شرعية الرئيس المنتخب بأى شكل من الأشكال، فإذا أرادت المعارضة مظاهرات سلمية فلها ذلك، ولكن إذا بدأت بالعنف فلا تلوم إلا نفسها.
وأشار إلى أن تعداد سكان مصر نحو 92 مليون مواطن بين مؤيد ومعارض للنظام، ولكنهم اتفقوا على أن يكون "صندوق الانتخابات" هو الآلية المناسبة للاختيار، منوها بأنه على ثقة بأن الأمور لن تصعد لحد الحرب الأهلية، فلدينا شرطة استعادت قوتها وجيش قوى قادر على ردع المعتدى.