مرتضى منصور يهين ميتشو: "مش جايبلك لاعيبة تجرب فيها وأنا لازم أتدخل في التشكيل"

شن مرتضى منصور رئيس نادي الزمالك هجومًا عنيفًا على الصربي ميلوتين "ميتشو" المدير الفني للنادي، مطالبًا إياه بعدم توظيف اللاعبين سوى في المراكز الأساسية التي يلعبون بها.
وقال رئيس الزمالك، في مداخلة هاتفية لبرنامج "الزمالك اليوم"، المذاع على قناة "الحدث اليوم": "كلامي واضح وبقوله على الملأ أهو، ماتلعبش يا ميتشو اللاعيبة غير في أماكنها من غير تأليف".
مرتضى منصور ينفعل على اللاعبين في لقاء الزمالك وجينيراسيون (فيديو)
وأضاف رئيس القلعة البيضاء: "ماتلعبش اللاعيبة غير في أماكنها، اللاعيب اللي أنا جايبه متألق في مركز ما مع المنتخبات والأندية يلعب في المركز ده، بتجرب فيه ليه".
وتابع: "أنا مش جايب لاعيبة صغيرة تجرب فيها، أنا جايب لاعيبة دولية، خالد بوطيب يلعب رأس حربة، وأشرف بن شرقي يلعب صانع ألعاب، في الأماكن اللي بيتألقوا فيها".
وتابع "منصور": "هتدخل في التشكيل؟ أه هتدخل طبعًا، وكلامي واضح اللاعيبة ماتلعبش في غير مراكزها، لما أجيب واحد مهاجم وألاقيه بيلعبه في الدفاع لازم أتدخل".