عمرو أديب عن حزن الأهلوية على خسارة لقب أفريقيا: «ملعبتوش بنكلة»

عمرو أديب يشيد بقرار إيقاف أزارو.. ويحذر من كارثة في نهائي أفريقيا
أعرب الإعلامي، عمرو أديب عن استيائه من حالة الحزن التي تسيطر على جماهير النادي الأهلي العريضة بعد خسارة دوري أبطال أفريقيا أمام الترجي التونسي أمس الجمعة في ملعب رداس بتونس، معلقًا: "البلد بيحصل فيها مصايب مبشوفش حد بيعمل كده".
متابعا: "زعلانين ومحمئوين على إيه؟ حصل إيه الأهلي اتغلب؟.. البرازيل بتخسر والزمالك نفسه بيتغلب..إيه المحزنة اللي أنتوا فيها والضغط العصبي ده؟..الأهلي ملعبش بنكلة لا الماتش الأول ولا التاني".
وتابع خلال برنامج "الحكاية"، المذاع على قناة "إم بي سي مصر": "أن جيتوا للحق الترجي أحق، والعدالة تقر فوز الترجي التونسي، واكتشفنا أن الأهلي معندوش لاعبين؛ بسبب عدم جاهزية المتاح وغياب معلول وفتحي وأزارو"، لافتًا إلى أن جمهور الأهلي يعاني من حساسية غريبة للغاية، مؤكدًا إنه تلقى رسائل تهديد أمس في حال سخر من هزيمة الأهلي، معقبًا: "إيه التعصب اللى بقينا فيه، وإيه الجنان ده..منهزر إيه المشكلة طالما في حدود الأدب والاحترام واللطافة.. شماتة إيه ده ماتش كورة مش ميتم..اشمعنا الزمالك لما يتغلب التريقة عليه حلال والأهلي التريقة عليه حرام".