«شجرة العشم» تشعل «تويتر».. ميدو: بتطرح خوازيق.. فاروق: للأسف غدر.. مؤمن: خذلان.. محمد: عودت نفسي متعشمش.. عبودة: «قلبت بغشم».. وأمين: «عم عشم مات والمعاملة خد وهات»

هاشتاج «#مشروع - نيوم» يتصدر تويتر في مصر والسعودية
دشن نشطاء «تويتر» هاشتاجًا بعنوان «شجرة عشمك طرحت»، الذي تصدر تراند مصر على الموقع، وشكا فيه النشطاء مما وصفوه ب«العشم» في شخص خذلهم في حياتهم، ووصفوا الخزلان ب«الخوازيق» التي وجدوها في حياتهم بعد اعتمادهم على أشخاص بعينهم.
عجزت
قال ميدو ناصر: «شجرة عشمك طرحت.. حضرتك كلها أشجار بتتطرح معاها خوازيق»، وأضافت رانيا إبراهيم: «دي عجزت بدري بدري مطرحتش أي حاجة»، وعلق فاروق أشرف: «للأسف طرحت غدر».
ورد مؤمن أبو الفتوح: «طرحت خذلان»، وتابع إسلام صلاح: «ندم أو إحباط».
قطعتها
وقال عمرو حسين: «شجرة عشمك طرحت.. وجمعت وضربت وقسمت كمان... أومال.. وهي صغيرة؟»، وأضاف سعيد اللبن: «لا مطرحتش.. قطعتها»، وعلق محمد السعيد: «لا هي مبتطرحش أنا مزرعتهاش أساسًا... عودت نفسي متعشمش فأي حد أو أي حاجة».
ورد عمر عبد الهادي: «شجرة عشمك طرحت.. عشمت اتألمت وضعت وما رجعت»، وتابع محمد عبودة: «ساعات العشم بيقلب بغشم».
مفيش شجرة
وقال نور كات: «ما هو مفيش شجرة اسمها عشم، لما يبقى في شجرة عشم هتطرح عشم صغير»، وأضاف يوسف حسن: «أنت أول حد يمشي دمعتي تنزل عليه تاني حد تالت رابع.. اللهم صل على النبي.. شجرة عشمك طرحت خوازيق».
وعلق رامي محرم: «ذنب الخوازيق اللي بلبسها في رقبتك انتي يا حكومة»، ورد جمال مصطفى: «شجرة عشمك طرحت خوازيق.. وكلها من ناس قريبين منك»، وتابعت هنا صافي: «قطعتها من جذورها من زمان».
عم عشم مات
وكتب شريف ضاحي: «شجرة عشمك طرحت.. الشجرة نشفت وعجزت وعشمان حد ييجي يولع فيها لأني مش قادر»، وأضاف محمد بيك أمين: «عم عشم مات والمعاملة خد وهات».
وعلق أكس جوست: «مطرحتش حاجة والله أصلًا غالبا الشجرة ماتت»، ورد فليسوفجي: «شجرة عشمك طرحت.. إِلَى مَن يَشكِي النَّاسَ هَمَّه.. ارتحت لما اتكلمت مع دة ودي، ولا حد جابلك الحل اللي يريحك.. احفظ كرامتك بدفن ما بداخلك».
وذكرت مي ناصر: «الشجرة دي دبلت من زمان... علشان الشجر من النوع دة مش بيعيش كتير عشمي في الله فقط»، وتابع أحمد مجدي: «طرحت ناس نحبهم ما يفتكروناش غير ساعة المصلحة، وناس تقعد في قلوبنا وما تقولش وهي مش ماشية إنها مروحة».