مصر تحتفل بإنتاج أول استيكرز و كرتونة صناعة مصرية

على غرار مصانع هنداوى بفيلم عادل إمام الشهير بوبوس ضمت لجان الإخوان الإلكترونية التابلت الجديد لقائمة إنجازات النهضة كأول منتج مصرى من فئته. شباب فيس بوك سخروا من الإنجاز خاصة أن جميع مكونات التابلت ليست صناعة مصرية وما تم تصنيعه فى مصر هو مجرد استيكرز وكرتونة، فماذا قالوا ....
تامر عيسى: هو احنا بنجيب الماتيريلز كلها من الصين واليابان وأمريكا وبنجمعها فى مصر.. بس بنقول إنها إنتاج مصرى 100 % عشان النية صافية.
أمير الشحات: التابلت المصرى مية فى المية
- نظام تشغيل Android لشركة google الأمريكية
-بروسيسور NEON من إنتاج شركة ARM البريطانية
- رامات من إنتاج شركة JEDEC الأمريكية
- شاشة TFT LCD إنتاج سامسونج الكورية
- ميمورى NAND flash إنتاج سامسونج
- استيكرز مط مطفى نص لمعة إنتاج بنها للإلكترونيات المصرية
- من قلبه وروحه مصرى
حمادة الجندى: لا صنع فى ألمانيا ولا فى كوريا دا صنع بلدنا ومبينكسرش
عادل الجوهرى: هو انت جربته عشان تحكم عليه؟ إديله فرصته
محمد عشماوى: الساعة الناطقة فيه هتقولك: الساعة الآن إتناشر... إتناشر ونص يعنى
حسام فاروق: ده اسمه حتى تابلت يعنى بقى كويس
وائل أبو العلاء: أول ما تفتحه هيقولك: اصطبحنا وصبح الملك لله
جمال مجاهد: اعتبرو مصرى يا أخى
رامى الأزهرى: وأول تابلت مصرى 100% بنظام أندرويد بتاع جوجل الأمريكية وبروسيسور وبوردة وشاشة وتاتش صينى وتجميع بره مصر.. بس الحق يتقال الاستيكرز مصرى
محمد خالد: الكرتونة صنع مصرى يا عميل هههه
محمد عرفة: اللى مصدق إن فى تابلت مصرى 100% فعلا هو هو نفس اللى مصدق إن مرسى مرشح الثورة
علاء منتصر: متقفل برا.. بس عامل نفسه من بنها!
طارق عزت: الواد مبجاش يذاكر واصل يا خال... طول النهار ماسكلى الطابلط الأرضرويد وبيلعب الحنش
باهى صلاح: عارفين التابلت ده 100% مصرى ليه؟؟.. لإنه من قلبه وروحه مصرى وحاجات جواه بتسرى