نشطاء: "صنع في مصر".. حقيقة مش خيال

"تابلت مصرى,و شاشة ف مصنع سامسونج مصنوعة ف مصر ...ولسه , انا بفكر على ماآجى أجهز شقتى ف يوم من الايام أجيب جميع الاجهزة صنع فى مصر".. التغريدة رغم أنها لا تخلو من الطرفة إلا أن علياء عاطف عبرت عبر تويتر عن الأمل الذي يحمله المصريون في المستقبل خاصة بعدما أعلن المهندس حاتم صالح عبر صفحته على فيس بوك عن لقاءه مع وفد شركة سامسونج العالمية والاتفاق على افتتاح المصنع رسميا الشهر المقبل، مع توقعات بصادرات تقدر بمليار دولار من هذا المصنع العملاق فى أول سنة تشغيل.
الرد عبر فيس بوك جاء على لسان محمد بدران بالقول " اول الغيث قطره بعون من الله ستتقدم مصر الي الامام بمشاركة الجميع فقط حينما نحب بعضنا البعض توقفوا قليلا عن الكراهية ستجدون ان الشمس مشرقه وغدا افضل باذن الله".. وعبر جداريات فيس بوك نقف على تعليقات مماثلة كان من أبرزها:
أيمن دردير: ياريت يكون الكلام ده صح خلينا نخرص الاعلام الفاسد وننمي صعيد مصر.
أمير الشيخ: يا بتوع مبارك انتوا لازم تفهموا!! لو كان المشروع ده اتعمل ايام المخلوع كان زمان نص أرباحه هتروح في جيب جمال وعلاء، لكن دلوقتي هتروح للبلد ، يعني لي ولك.
عبد الله أنور: كلمه فى سطر بصفحه من كتاب الانجازات الذى ياتى رويدا وبهدوء وعقلانيه فاقت الوصف والحد تدرس للغير فى المستقبل بالتوفيق ان شاء الله لمصر وشعبها.
تامر هاشم: سامسونج أنتجت LED بالفعل وأنا إشتريت واحد من بى تك ,, والله لما لاقيت عليه كلمة صنع فى مصر حسيت أن ربنا مش هيخيب ظننا فى البلد دى ... اللهم إحفظ مصر وشعبها من حقد الحاقدين وكيد الكائدين ومكر الماكرين.
إسلام دونيا: فاكرين الاستيكة بتاعت المخلوع كان عامل عليها إنجاز ..أما ايام مرسى دى إنجازات النهضة وشوية شوية والله مصر هتبقى احلى
محمد صلاح: يا جماعه الموضوع ملوش دعوه بالفلول ولا بالاخوان الموضوع ده كلو ملك لمصر كلها بفلولها باخونها بالكنبه والكرسي بكل طوائفها مصر يا جماعه بلد جميله وناسها طيبين بس هي عايزه شويه صبر الصبر.
ادعم المصري
وعبر تويتر، كانت التغريدات التي تستبشر بالأمل القريب في مصر، حيث كتب سامح الخطاري"اول عينة تجريبية من انتاج مصنع سامسونج في مصر !! سبحان الله حاعيش والاقي جالاكسي صنع في بني سويف".. فيما جاءت بقية التغريدات على النحو التالي:
حزلقوم:قريب اوي هتلاقي بتاع الروبابيكيا بينادي في الشارع " اللي عندها ايفون فور او ايباد ثري او سامسونج جالاكسي للبيع ".
أميرة هويدي:يبقى لطيف لو ان تلفزيونات و منتجات سامسونج الى هتتصنع فى مصر تنافس المستورد فى الجودة و المصريين يقدروا يشتروا تكنولوجيا متقدمة باسعار جيدة.
محمد سويفي:اين مصنع سامسونج واين الاينار المصري وأين محصول القمح ؟؟فإنها لا تعمى الأبصار ولكن تعمى القلوب التي في الصدور.
أنا:بعيد عن جو المهتارات السياسية والكلام التعبان ده احنا عايزين ندعم المنتج المصري ونشرتي إينار , وشاشات تلفزيون سامسونج بني سجي يا رب كرمك علينا .