كتاب إنجازات النهضة يتصدر الأكثر مبيعا بين كتب الخيال العلمي

كتاب مرسي حول إنجازات النهضة من أكثر الكتب مبيعا ليس لاهتمام الشباب بمعرفة الانجازات ولكن ككتاب خيال علمي ويراه آخرون كتابا ساخرا حيث ان ما ذكر في الكتاب من إنجازات لا تمت للحقيقة بصلة ، كتاب الإنجازات كان الاكثر جذبا للتعليقات الساخرة عبر موقع التواصل الاجتماعي المختلفة ، فماذا كانت أبرز التعليقات ؟!..
وليد عزيز : حضرتك ألاقى عندك كتاب انجازات الرئيس مرسى؟ موجود يا فندم تقدر تشوف قسم الخيال العلمي
عمار الحناوي : ده في قسم المرأة والرضاعة
باسل الرفاعي : الكتاب موجود في مستشفى الجلاء للولاده يا فندم ده انجازات 9 شهور
شريف أبو العلا : لو عملنا إحصائية بأسوأ عشرة تصرفات أو مواقف للسياسيين حول العالم هنلاقى ان مرسى ليه 11 منهم
أكرم شهاب : الانجازات فى الراس مش فى الكراس
ساندي الحويلي : قصدك في قسم الخيال المريض ياريتو حتي علمي مرسي ده علمي علمك
نور لبيب : انجازات مذهلة لدرجة انى اتشليت وانا بقرأها
محمد عبد العليم: الراجل نسي يقول ان الزمالك كسب 7 صفر من إنجازات مرسي
عواطف رخا : لجان الإخوان الالكترونية بعد كل فضيحة من فضايح حكمهم تطلع وتقولك اغضب ياريس وخد قرارات حاسمة ، اغضب ياريس وطهر معرفش مين ، اغضب ياريس واحنا معاك ... مش عارف لما يغضب هيعمل ايه ... هيطلع نار ؟!!!!
إسلام اسامة :ياعم يارب يغضب ويسيب البيت قصدى البلد
ابراهيم الجارحي :
- لازم برضه لما نقيّم مرسي نقول اللي ليه واللي عليه
- كلام سليم .. مزبوط
- هو عنده عيوب ما قلناش حاجة بس ما هو كل رئيس عنده عيوب!
- كلام سليم .. مزبوط
- يعني لو شايفين السلبيات لازم برضه نبص على الانجازات ما نغفلهاش!
- كلام سليم .. مزبوط.. بس ايه بقا الانجازات اللي عملها مرسي؟
- ها؟