الحسيني ل"الإخوان": "ليه إنتم خايفين من خروج مبارك"؟

أكد الإعلامى يوسف الحسينى، أن دعوات القوى السياسية لمليونية "الثورة فشلت" هى دعوات تشاؤمية، ودعا من سينزل للتظاهرات بأن يتفاءل ولا يؤمن بفشل الثورة ويتوقع الأفضل.
وتساءل خلال برنامجه "السادة المحترمون" والذى يقدمه على قناة "أون تى فى لايف" فى حديثه عن دعوة الإخوان المسلمين لمليونية بعنوان "تطهير القضاء" بدون حزب النور وهو الفصيل الأكبر فى التيارات السياسية والذراع السياسية للجبهة السلفية: "تطهير القضاء من مين وعلشان إيه؟".
وتابع الحسينى: مش دول الإخوان اللى كانوا بيعترضوا على المظاهرات، أول لما الإخوان لقوا إن محاكمة مبارك قد تصل إلى مرحلة من المراحل إلى إنه يروح بيته، قالوا دى شكلها باظت، الإخوان ميفرقش معاهم إلا مصلحتهم الشخصية وده اللى واضح جدا، مش الإخوان زعلوا من مظاهرات الإعلان الدستورى، ليه بتعملوا مظاهرات ليه؟".
وتساءل قائلا: "الإخوان خايفين من خروج مبارك ليه؟".