رامز جلال لشقيقه: «ماشاء الله لا قوة إلا بالله ربنا ما يحرمني منك»

نشر رامز جلال مقطع فيديو لشقيقه ياسر جلال، تحدث فيه عن علاقتهم وحبهم لبعضهم، وذلك عبر حسابه على موقع التواصل الاجتماعى "فيس بوك"، وعلق عليه قائلًا: «ما شاء الله لا قوة إلا بالله.. ربنا ما يحرمني منك».
وخلال الفيديو، تحدث ياسر عن علاقته برامز، وقال: «رامز ده حبيب قلبي وأخويه الوحيد، وأبويه غرس فينا حبنا وعشقنا لبعض، وطلعنا بنموت في بعض، ومحبش نجاح المسلسل يبقى أداة للهجوم على رامز؛ لأنه فنان ومحبوب في العالم العربي كله، وشهرته تجاوزت العالم العربي كمان، وبيعمل برنامج وأنا مسلسل مفيش وجه مقارنة».
وتابع: «بيعمل برنامج والعالم كله بيقدم النوعية دى من البرامج، حتى في مصر نجوم كبار جدًا وأساتذة قدموا المقالب، زي الكاميرا الخفية، لو إنت مش بتحب النوعية دى براحتك، ودى أذواق، لكن رامز ده شغله، وأكل عيشه، وفيه ناس بتزعل وناس بيصالحهم، وفيه ناس أنا براضيهم لكن في النهاية كل اللى بيصوروا معاه بيحبوه، بدليل إن الحلقة بتتذاع وأنا مش شايف مشكلة في الموضوع».