الحزن يجتاح مواقع التواصل الاجتماعي لانتحار «أحمد مالك» في «لا تطفئ الشمس».. دنيا: عياط مش طبيعي.. كوين: حسيت بالقهر وقلة الحيلة.. حسبو: مشهد أوسكار ولقطة تاريخية

حالة من الحزن اجتاحت مواقع التواصل الاجتماعي "فيس بوك وتويتر"، بعد مشهد انتحار أداه الممثل أحمد مالك في مسلسل "لا تطفئ الشمس"، ودشن نشطاء التواصل الاجتماعي هاشتاجين أحدهما بعنوان "أحمد مالك"، والثاني بعنوان "لا تطفئ الشمس"، ليحتلا مركزًا متقدمًا في تراند مصر على تويتر، حيث أكد النشطاء تفوق أحمد مالك في المشهد، وأنه سبب لهم حالة من الحزن والبكاء، حتى إن البعض طالبه بعدم إلقاء نفسه في النيل، مهددين أنهم لن يشاهدوا المسلسل إذا انتحرت الشخصية التي يؤديها أحمد مالك بالمسلسل.
وشبه الرواد لقطة أحمد مالك في مسلسل لا "تطفئ الشمس"، باللقطة التي أداها محمد ممدوح في مسلسل "جراند أوتيل" في رمضان العام الماضي.
عزاء
قالت يار كشك: "فتحت Facebook الصبح لقيت في عزاء معمول وشكلوا هيفضل يومين كمان عشان موت حبيبة صاحبة أحمد مالك في المسلسل وخايفين عليه ينتحر هو كمان".
وأضافت منه بشير "يعني لما تزعلوا وتعيطوا أحمد مالك مش هيموت مثلا ولا ايه مش فاهمة.....!!!".
وعلقت دنيا سليم: "أحمد مالك في الحلقة 14 أنت عظيم حقيقي عيطت كمية عياط مش طبيعية"، وردت ربيلين بريني: "لما جميلة عوض بتشد أحمد مالك عشان تحضنه قام بعدها عنه ومشي كانت لقطة حلوة وتوجع القلب".
وتابعت كوين ميما: "أنا مش حيوان أنا نضيف أنا أنضف واحد فيكم علشان أنا مش كداب" أحمد مالك أبدع حسيت معاه بشعور القهر وقلة الحيلة.. لا تطفئ الشمس".
ممثل شاطر
وقالت نور شتا: "الناس خايفة أحمد مالك يموت وانا مرعوبة سينكو يطلع مات وميعرفش يبنى الحضارة اللى كان نفسه يبنيها".
وأضاف كريم الخواجة: "لا تطفئ الشمس أحمد مالك ممثل شاطر ومغيّر طريقة إحساسه والphysical action طول الدور، حاجات بسيطة جدًا ويبقى ممثل عظيم ماجاش زيه".
وعلقت رونا نيوم: "عاجبتني كتير شخصية أحمد مالك بالمسلسل لسبب واحد؛ تمسكه بأي شيء بيقرره وإصراره عليه حتى لو النحوه ما عاجبن.. هالشيء بيجذب انتباهي بالرجل كتير".
وردت ندى فاروق: "لا تطفئ الشمس.. يعني أيه أحمد مالك يموت؟؟ لا أنا بتفرج على المسلسل علشانه أصلا".
وتابعت لبني إيهاب: "كان نفسي يكون عند اخ زي أحمد مالك في مسلسل لا تطفئ الشمس وتكون علاقتي أنا وهو نفس العلاقة هو واخته جميلة عوض أحلى اتنين اخوات".
المود
وقال مو حامد: "يعني أحمد مالك يموت وسمير سبوت يفضل عايش وكمان جميلة عوض بتحبه!! الحياة عمرها ما عادلة والله".
وأضافت آلاء شعيب: "المفروض ياخدوا كل كلام أحمد مالك في المسلسل ويعملوا منه كتب تنمية بشرية مثلا".
وعلق خالد حسين: "بم أن أنا مقريف وكدا فا لازم اقوم بالواجب... ادم مماتش... أحمد مالك لسه منزل استوري أن آخر يوم تصوير كان امبارح وكان منزله مع أحمد مجدي".
ورد ميران إيهاب: "لازم أخرج من مود "لا تطفئ الشمس" اللي دخلت فيه وبأسرع ما يمكن وإلا هنط ورا أحمد مالك أنا بحذركوا".
وتابعت مني علاء: "خلتني اعيط بجد تمثيل رائع يؤثر في المشاهد إذا تبقي ممثل بارع في حلقة 14".
تفوق على نفسه
وقالت ستيته حسبو: "دور أحمد مالك في لا تطفئ الشمس رائع.. أوسكار.. عالمي.. واليوم واللقطة واللزمة التاريخية.. شيء تظبيط رباني".
وأضافت نونينا هشام: "رد فعلنا كلنا على مشهد أحمد مالك فكرنى بنفس رد فعلنا السنه اللى فاتت على مشهد محمد ممدوح في جراند أوتيل. دى أكتر لحظة بحبها لما أشوف مسلسل".
وعلق إسلام محمد: "لو أحمد مالك اللي مات انتم اتفاجئتوا ليه طيب ما من أول المسلسل والناس بتقول إنه هيموت".
وتابع مؤمن محمد: "أحمد مالك بجد اكتر من رائع تفوق على نفسه بس ياريت ماترميش نفسك يا عم مش ناقصة بواخة".