سؤال غير متوقع في امتحان «تربية طنطا» يشعل مواقع التواصل

تداول نشطاء مواقع التواصل الاجتماعى بمحافظة الغربية، صورة لسؤال وضعته الدكتورة رندا الديب للفرقة الثالثة "طفولة" بكلية التربية جامعة طنطا، حيث لم تتوقع الطالبات هذا السؤال على الإطلاق، وبموجبه حصلت كل طالبة على 10 درجات بعد الإجابة عليه.
وكان السؤال كالاتى:"سؤال تمنيتيه ولم يأت- اكتبيه وأجيبي عنه"، وكان هذا السؤال بمثابة مفاجأة للطالبات، حيث مكنتهم الدكتورة من خلاله من الحصول على 10 درجات بكل سهولة ويسر وبطريقة غير متوقعة.
وأشعل هذا السؤال مواقع التواصل الاجتماعى، وعلق عليه عدد كبير من الطالبات، وقالت "أسماء بشير": "دكتورة راندا من اطيب واجمل الشخصيات في قسم طفولة وامتحاناتها كلها بتبقى سهله وبسيطه وتقديراتها جميله جدا، بجد انا فخورة جدا أن انا كنت من الطلبة بتوعها ربنا يجازيها خير ويسعدها".
فيما علقت "رغدة على": "ياريت كل الدكاترة يكونوا كده ويجيبوا أسئلة تخرج أجيال بتفهم مش اللي تحفظه تحطه في كراسة الإجابة وبعد ما يخرجوا مش بيفتكروا كتبوا إيه"، ومن جانبها قالت "بسمة أحمد": "والله لحد دلوقتى مش مصدقة السؤال دا فعلا كان احلى امتحان ودكتورة محترمة أوى ربنا يبارك لها".