مذيعة تهاجم متصل «قميص النوم»: أنت متربيتش وهطلعك ترقص على الهواء

هاجمت الإعلامية شيماء جمال متصل انتقد حلقة برنامجها عن نبش القبور وبيع وشراء رفات الموتى، قائلة: «اللى مش عاجبه موضوع البرنامج يقدر يمسك ريموت تليفزيونه ويقلب على قناة أخرى ».
وقالت: «الناس اللى هاجمتنى يجب أن ينتقدوا بأدب بدون تجريح وهناك شخص انتقدنى بقلة أدب، ولكن مش مهم أنا إعلامية وملابسى لا يوجد بها خدش للحياء ولكن هناك من على رأسه بطحة، مع الأسف أنت متربيتش وخليت مراتك بقت بترقص دلوقتي قدام الهواء.. وهخليك تطلع ترقص قدام المشاهد».
واقرأ أيضًا
بالفيديو.. متصل يهاجم مذيعة «LTC»: ناقص تلبسي قميص نوم على الهواء
وتابعت: «اللى عايز يتكلم يبقى بأدب، ويحترم نفسه وهو بيتكلم عن مصر وإحنا بنقدم رسالة، ما أنتوا بتروحوا تعيطوا في الإعلام وتقولوا الحقينى أنا اغتصبت».
وطالبت خلال برنامج «المشاغبة» المذاع على فضائية «LTC»، بغلق مواقع السوشيال ميديا وفيس بوك، لأنها تسيء للدولة.
كان متصل يدعى خالد سعيد من القاهرة، هاجم المذيعة بسبب نبشها في القبور لاستخراج جثة من إحدى المقابر، قائلا: «اللي عملتيه ده إجرام وإنتي مجرمة وده أقل توصيف أقوله ليكي.. إنتي لو بتعملي برنامج عن المخدرات هتطلعي تشمي قدامنا، على الهواء، وهتعملي إيه لو بتعملي برنامج عن الدعارة هتطلعي بقميص نوم»، فردت الإعلامية قائلة: «إيه الكلام ده بقى هو قميص النوم هلبسهولك يعني».